فن التعامل مع الناس

كتبت-ايمان شطا:

💥 1- #الاحباط … هقول الحاجات إللى أنا بنفسى مارستها
الواحد بيفضل يتعلم ازاى يتعامل مع الناس
أول حاجة تبعدى عن الناس إللى ديما بتحبطك لما تكون جواكى طاقة ايجابية هما يحاولو يهدموها و يااريت يعنى بلاش نحبط الناس حتى لو ف حاجة انتى فشلتى فيها و لو أنا متأكده ان الحاجة دى صح و هتنفعنى خلاص

💥2 -#متنزليش_لمستوى_اقل_فى_كلامك
بمعنى أن انتى ممكن تدخلى فى جدال مع وحدة مستواها الثقافى مش زيك أو الاجتماعي أو … و دخلتو فى نقاش بدأ فى خلاف دخل فى شتيمة مثلا ف حاولى متتجادليش معاها كتير لانك كدا هتنزلى لمستواها و برضو مش هتعرفى تكسبيها خليكى انتى راقية خليكى انتى شيك و متنزليش من مستوى كلامك

💥3- #الشك …. انتى لو اتكلمتى مع وحدة و شكيتى فيها متفكريش متركزيش يعنى لو اتكلمتى معاها و شكيتى فيها عقلك هيفضل يودى و يجيب الشك ديما بيخلى دماغك تفكر فى كل حاجة وحشة ف كبرى دماغك عشان ممكن تكونى ظلمتيها الشك ده اصلا يعتبر مرض ف ديما قدمى النية الحسنة بلاش النية السيئة

💥4-#الصمت مهم جدا امتى تتكلمي و امتى تسكتى
لو هتلاقى نفسك تقولى كلام مش حلو اسكتي و كبرى دماغك لو هتقولى كلام كويس و مفيد اتكلمى اعملى كنترول على نفسك اعملى فرملة ركزى فى الكلمة قبل م تقوليها أنا ياما قولت كلام و ندمت علية و أنا تكون نيتى سليمة أكيد اللى قدامى فهم عكس كدا

💥5-#الإنصات اهم حاجة هو ده إللى بيثبتلى الشخص اللى قدامى محترمنى أو لاء يعنى متكونش وحدة بتكلمى و العب فى الموبايل ابص لحد تانى اشاور لحد تانى فى دى حاجة مستفزه ياريت اسمع كل واحد فكر انة يتكلم معايا و مخليهوش يندم و دى من الحاجات إللى تخلينى اكسب الناس

💥6-#الابتسامة_و_العتاب
ديما تكونى مبتسمة و بشوشة و خليكى ديما بتضحكى و مش اوفر يعنى توصل أن دى تبقى قلة أدب فى فرق و لو بصيتى لوحدة و لقيتيها مهزوزه و بتبصلك من فوق لتحت دى مش واثقة من نفسها لو ابتسمتلك دى بنت واثقة من نفسها و متربية العتاب لما تزعلى من حد عاتبية و تخليش دماغك تودى و تجيب كتير عشان متخسريش حد متتعوديش أنك تخسرى الناس لان ممكن يجى يوم و تحتاجى الناس إللى خسرتيهم دول و العتاب مفيهوش مشكلة

💥7- #الفهم_الخطأ
حاولى ديما تفهمى الناس صح و أى حد فهمك غلط برريلة مرة وحده بس و برضو متتجادليش عشان ممكن تطلعى عن شعورك و تزعقى ف ملوش لازمة انتى عملتى إللى عليكى و ممكن إللى قدامك يكون قصده أنه يطلعك عن شعورك انتى متعرفيش نية إللى قدامك

💥7-#المرونة .. المرونة فى الكلام مهمه حاولى انك متكونيش متنشنة فى الكلام حتى لو فى إللى قدامك بيقنعك فى حاجة و انتى متاكدة انها غلط كبرى دماغك و قولى ماشى خلاص ف متحاوليش أنك تشدى اللجام اوى رخرخية شوية

💥8-#النقد حاولى أنك متنقديش كتير مش ديما تشوفى الحاجات الوحشة و تنقديها عشان كدا هتتكرهى بسرعة الناس كدا هتنفر منك و هتتقفل منك هيقولو دى مبتشوفش غير الوحش و نفس الوقت هى كبيرة برضو و هى أكيد أدرى بحالها

💥9-#قلل_ناسك_ترتاح_راسك
يعنى آه تعرفى ناس كتير ماشى انما الناس إللى قريبين منك قليلين جدا و ياريت من الأفضل كل وحده تحتفظ بسرها لنفسها أو لو عايزه تفضفضى تكون وحده بس عشان يوم لما وحده تقول حاجه هتحتارى دى ولا دى ولا دى و البعد عن الناس غنيمة

و يااريت محدش يزعل منى مفيش حد خالى من العيوب