وراحت مننا ليلة

بقلم –  رمضان العجمي:

وراحت مننا ليلة

بيتنا القديم والشباكين.. جوة حارتنا الضيقة

وحنين عينيها المغرمين..والليل وأوقات اللقا .

في حالات كتير ..الصمت دايما يبقى أجمل مالكلام .وفين وفين لما افتكر الساعة كام

تنزل ستاير لانتظار .. لما تجيني في المنام 

لكن ليلتها مشوفتهاش..ملمحتهاش

وصبحت بين حيرة وخوف.. ما بين خجل وبين كسوف .

وسألت عنها قالوا انها مشيت خلاص  الحلم راح… شد الرحال ..

    لبلاد بعيدة بيروحولها بطيارات..

            ياريتها كانت اتأخرت

                وراحت مننا ليلة…