كنت بحبّك.. بقلم حازم مهني

حبيبى من باب غروره ،لسّه بيسألنى؟بتحبّنى ؟

بعد ما هجرني؟جاى ليه يسألنى؟ يتسلّى ،و لا يتشفّى ؟ عنيك بتقول لى:
تعالى نرجع لبعض تاني؟
تفتكر هأقول لك موافق ؟ يا قلبك؟!
طب و بُعدَك ؟وصَدّك ،و هجرَك؟ تِقدَر تقول لى أوافق لـيه ؟!!
هو أنت لسه فاكر ؟تتكلم عن المشاعر ؟صحيح قلبك قادر ؟
و جاى تقول لى يا شاطر
مــش أنتـ بتحبنــي ؟!!
حطّ عينك فى عينى؟ و إسأل قلبى لو تقدر ؟
لو تقدر؟ و يمكن تقدر ؟
نسيتك ، إنت جبروت قلبك هيقدر يسأل؟
يمكن أهرب من عنيك؟لكن قلبك لأ ؟ هقولك آه ، و عينى تقول لك لأ ؟ كنت بحبك ؟و مشاعرى كانت ليك وجوّه قلبى سكّنتك ؟عصفور جوّه حضنى عشّشتك جرحته ،بقسوتك؟
و عمرى ما كرهتك ؟
قلبى اللى حبك عمره ما يكرهك ؟ اللي حب بجد ما يعرفش الكره ؟
و مين قال لك إني كرهتك ؟الكره إحساس ،
و أنا مبقتش أحسك ؟ أنا مش حاسّسك ؟ و لا ناحيتك بأي حاجة حاسس ؟
زيك عمرك ما حسّتنى ؟
يعنـي مليش وجود ف حياتك؟
و عمره ما كان ليّا ؟
بس أنا كذِّبت قلبى إنّك بتتسلى؟
و لما منك عرفت ؟ وافقت ،قلت أسلّيك ؟
ما أنا حبيتك ؟دلعك عليا ،و تسليتك؟ تقزقز ترمس ؟ لأ هقشر لك لب؟ بلسانى؟ خايف على شفايفك تتوجع ؟إتدلّع ، و براحتك أوريك الدلع ؟ كل ده ؟وإنت اللي طلبت تبعد ؟و بعدت ؟مش عايز حب ،و لا دلع ؟ براحتك ؟وفرحت أوي بطلبك كأنك بتتحرر من معتقل؟ كنت فيه هحبسك؟ ده أنا كنت جوّه عينى هشيلك؟ أنا؟طب إزاى ؟ و إنت حطّيتنى جوّه سجنك؟و سبتنى هربت؟ أيوه أنت ،قلت كلامى ما بيفرقش معاك ؟ سيبك من الأونطة ؟ تخيّل مشاعري عندك أونطة ؟ حبى لك مجرّد نزوة ؟
لما حسستني إنّ الدقيقة اللي بترد عليّا فيها موقفه حياتك ؟ أما كنت أستنى إهتمامك؟ ما يجيش؟ و فهمك يمكن يزورنى ؟ بالعند تعمل مش فاهمنى ؟ أو ما تفهمنيش؟ كلّه بمزاجك.
أما كان ردك ، نعم فيه حاجة ولا إيه؟
أما كنت تتعلق فى أي حجة و من غير إعتذار ؟
تهرب من كلامى ،و أفكارى ؟ حتى سلامى؟ كنت أحسسه ماسخ على قلبك ؟ ضاغط على صدرك ؟ تقيل على نفسك ؟ عين تقول لى إنت جوّايا بحبك ؟ و عين تقول: الكلام ده ، منه فُكَّك؟
يا حازم إصحى من حلمك ؟فوق إصحى من حلمك ؟إنت مين عشان أحبك؟ و لا قلبى يميّل لك ؟ و برضو صبرت كتير عليك ؟و إنت زى ما أنت ؟ تقرّب مرّة ،
و ألف مرّة بتبعد ؟
كل ده معنى واحد ،
إن وجودي فى حياتك زي عدمــه؟ حتى تفكيرى ،و إهتمامى من زمان ،
ملهوـش لازمه عندك ؟
( الانطباع الأول يدوم ) ملهوش عندك لزوم ؟
فاكر الحِتّة دى؟
طلبت إنى أخـرج مـن حياتك ؟ بفعلك ؟
قبل ماتطلبها بلسانك ؟ بتصرفاتك و عدم تقديرك ؟
إنت طلبت ،وأنا طاوعتك ،فالمشاعر لا تعرف المجاملة ؟
قَدَّرتَك ،و كتير عليك صبرت ؟و لا فارق معاك؟
و حاولت كتييير ؟و إنت بتبعد ،و ترجع عشان بس تتفرج ؟مش عشان حسيت ،ولّا حبيت ؟مش غرور بس ؟يمكن عاجبك الموضوع ؟
فاكر أما قولت لي هي فعلا خلصانة ؟
بكلمتك أنت ساعدتنى؟ أبعد ؟لأنك عنيك ملاها الوداع فرحة ؟و دى أصعب لحظة لقلب حبّ ؟من اللحظة دي إنت جوايا إنتهيت؟مع إنّى كنت بحبّك ؟أيوه كنت بحبّك.