شريف العقدة يكتب ..مصر الرايقة

فى حاجة انا ملاحظها الايام اللي فاتت حاجه مش منطقية بتحصل أخرها الاستقبال الأسطوري للزعيم المصري عبد الفتاح السيسي وقوة كلامه وتعبيرات ملامحه وهو بيتكلم وأدبه واختيار عبارات في الحوار المختصر المفيد  وايضا طرحه للمللفات المهمة في الحوار  والملفت للنظر ان هناك احداث في المنطقة بتحدث وبشكل سريع جدا  .ومن وجه نظري أن دا مش التطور الطبيعي للأحداث في المنطقة .

يعنى المنطقة كلها مضروبة فى الخلاط. وبعض الدول الان بقت شربه سوسيه .تلاقي دول كبيرة بيحدث بها علي مسمع ومرأي من الجميع .

تحركات وإغتيالات وبالتحديد في منطقة الخليج (إيران) ومحدش فتح بقه وواخد  بالصرمه وساكت  بق.زي ما بنقول عندنا .. … بعكس الوضع في مصر الردود جاهزة والتحركات علي اعلي مستوي .والقرارات  حاسمه. وتقديم الحلول في اسرع وقت لإنهاء اي أذمه. .فمثلا في أثيوبيا نري هناك حروب أهلية وآخر لخبطة ..والدنيا زبادي في الخلاط .

وليبيا ( الخط الأحمر ) والكل بيجرى من هنا وهناك ومافيش جرو ارمنت ..يقدر يتخطى( الخط الأحمر)  ومصر بترسخ قواعدها وبتوسع الإعمار فى سيناء …وإسرائيل لسان حالها ( وانا عاملة نفسى نايمة ) ومصر بتجيب سلاح من الشرق والغرب وماحدش يجرؤ على الاعتراض .تبص تلاقي دول ملهاش ستين الف لازمه وعاملين  تلاتين عتريس فى بعض علي بعض.

 وعند مصر ( لف وإرجع تانى ) أما الملفت للنظر كم الثبات الانفعالى والهدوء والثقة والاهتمام بالتنمية الداخلية والمزاج الرايق .والتوسعات العمرانية في كل شبر في مصر .دا غير المشاريع اللي جوة وبرة وخاصه في افريقيا

.ونروح جنوب السودان ( نغير جو ونعمل شوية مشاريع إستيراتجية علشان ها نحتاجها فى موضوع نهر الكونغو )

فى حاجة مش معروفة .بس محسوسة .وبشكل سريع وعالي الدقه .

مصر تحت إيدها إيه بالضبط مخليها رايقة قوى ومطمئنة قوى كدا وماحدش مالي عينها .في هذا التوقيت ..

يعنى الإدارة الأمريكية الجديدة كانت عاملة فيها ( عتريس ) إيه اللى خلها تقلب ( سوسن ).

تم إطلاعها على إيه ولا عرفت إيه .

حد قال لها ان مصر ( معاها سلاح مدمر مثلا ) .سؤال مخيرني ..

مش عارف ..بس حاسس إن مصر كبرت قوى ومسيطرة قوى ومحميه قوى بفضل الله..تعالي

انا معنديش اي تفاصيل …عن أي حاجه .ومعنديش معلومه صريحه

 بس اللفت للنظر ردود الأفعال وتطور الأحداث مشى منطقيه . وخاصه بعد أن كانت مصر في طي النسيان ..

اللهم هيئ لنا من أمرنا رشدا.  حفظ الله مصرنا من كل سوء

وتحيا مصر بشعبها و جيشها وشرطتها وقادتها ورئيسها.الشجاع  .