سليلة الحسب والنسب تتعاطف مع مخدومتها لرد اعتبارها بدعوي خلع

بقلم – الكاتبة نبيلة مجدي:

بينما تروي سعاد مأساتها تنهمر دموعها عنوة تستوقفها مخدومتها التي تعمل لديها مديرة منزل .. الأرملة الحسناء مدام نهي سليلة الحسب والنسب اكتسبت ثروة طائلة تقدر بملايين من زوجها الذي ترك لها كل شئ.. اثناء تنظيفها غرفتها يسترعي انتباهها دخولها في نوبة حادة وانخراطها في حالة بكاء شديدة.. مدام نهي مالك يا سعاد الله اكبر في ايه تعالي واقعدي واهدي وهي تربت علي ظهرها بحنو وتعاطف ايه الحكاية يا بنتي في ايه قوليلي سعاد تخرج عن صمتها وتتحدث عن ماساتها مع اسرة زوجها.. الاعارة ان حضرتك متعرفيش عني حاجة الا حاجات بسيطة
مدام نهي.. فضفضي يا سعاد واعتبريني اختك الكبيرة.

سعاد.. انا جار علي الزمان بعد ما كنت متهنيةمع اسرتي انشالله عيش وملح كان بيدينا رضا ونعمه اتعرفت علي عمر كان شغال مع واحد مقاول يعني يوم في شغل ويوم لا اتفقنا علي الجواز وكان عندة شقة في نفس البيت اللي ساكنة فيه امه واخواته بيت عائلة وافقت وبعد ماتجوزنا اكتشفت اني حامل خلال شهر زادت المسئولية علية لان اهله ماكانوش بيحبوني قرروا يقهروني باي وسيلة لدرجة القرش اللي كان بيطلعلة في اليوم اللي بيشتغل فيه نجار مسلح كانوا بياخدوة منة ويستغلوة مدام نهي. في حد بالمشاعر الوحشة دي.

سعاد. واكتر من كدة بحجة ان اخته علي وش جواز وهو الكبير بعد ابوها ولازم يساعدها وبعد كدة ابتدا يتداين من طوب الارض وكان بيشتغل يوم وعشرة لا وخلقة ضاق وماكانش عارف يسد ديونة دة كتب اايصالات امانة علي نفسة واشتكوة ناس كتير بعد مااتهرب منهم وتم حبسة واحتاست لوحدي
مدام نهي.. ليه اهله محاولوش يساعدوكي بعد ما وقف معاهم.

سعاد.. ابدا والله دانا بعد ما اتحبس رحت اشوف الشقة وكانت بنتي لسة مولودة علي كتفي لقيتهم باعوا عفش الشقة بتاعي ولموا هدومي وهدومه في اكياس بلاستيك اكتشفت دة من يومين بس لما حضرتك قلت لي ماجتيش ليه اتحججت اني تعبانة دة غير انهم بيتكلموا في حقي وفي سمعتي كلام بطال اني بتاخر برة وحضرتك عارفة انا باجي الساعة 6 بمشي 2 علي يدك.

مدام نهي دول مش بني ادميين ولا يهمك انت هتعيشي معايا هنا انا عايشة لوحدي بدل البهدلة اللي انت فيها وبنتك تتربع في جو نظيف ايه رايك
سعاد .. يا ريت يا ست هانم ابوس ايدك خليني معاك حضرتك عارفة انا ماليش غير ربنا وانت وامي اهي قاعدة مع اخويا وبيرعاها مش شايلة همها وابقي اشقر عليها كل حبة.

نهي .. وهو كذلك
سعاد .. خلوا حياتي جحيم وبيقولوا يكرهوة فيا بس هو مش مصدقهم وقال لي لما اطلع هاخد حقك بس انا مابقيتش قادرة اتحمل وعاوزة اطلق منه دة انا حتي لما بروح ازورة بيطلب مني فلوس كتير هلاحق علي ايه ولاايه بنتي احق واولي ممكن تساعديني حضرتك
مدام نهي.. بسيطة نرفع خلع هو سيد الموقف في الحالة دي
سعاد.. كتر خير حضرتك ريحتيني يا ست هانم علي عيني بس انا تعبت