الشاعره امال محمود: تكتب قصيدة بعنوان محمود يا قلبي

أبوكي مات .. بتقوله إيه ..
أبويا مات ..
لحظة ألم لحظة فزع ..
لحظة ذهول .. لحظة سكات …
بيقولوا قال أبويا مات …
وهات يا زمن من اللي فات …
وأبداء يا شريط الذكريات …
ده أبويا كان في فرشته …
حامد وعايش دنيته …
أوضته عباره عن صلاه …
وحبة ذكر وسبحته ….
ابويا زاهد كل شيء …
وأي متعة في دنيته …
مكنش يهمه غير هو شيء …
رضا ربه عليه ومحبته …
أبويا كان سند أمان …
ميوجعوش غدر الزمان …
ميوقفشي شيء في سكته …
في الحق تسمع كلمته …
ولا دنيا تقدر يوم عليه …
ولا شيء يمنع ضحكته …
أبويا في قلبي محبته …
فاتني وفات دنيته ….
ملامحه ترسمها ابتسامته …
ولا عمره نزلت دمعته ….
أبويا صابر رغم البلاء …
بكل شيء بأي داء ….
ولا عمره يوم اشتكي …
رغم الألم يوم ما بكي ….
كأنه عايش في غربته …
مستني يروح لجنته ….
خلاص يا دنيا خلاص كده ….
راحت أيامه متأكده ….
راح حسه راحت ضمته ..
راح صوته منك وحنيته …
راح الحنان راح الامان …
راح الأمل راح اللي كان …
اخري أنادي علي الزمان ….
اخري صوره اخري ذكري …
أو تجيني في المنام …
كانت سكراته مبشره …
بالجنة ورحمة ومغفره ….
وجوه يومئذ مصفره …
ضاحكة مستبشره ….
ويبتسم ويقول لربه ….
أنا عايز أعلي مستوي …
ويلا يا بنتي ظغرطي …
وطلعت روحه للسما …
لحظة ألم مبنسهاش …
لحظة وجع معشتهاش …
يا دنيا فانيه من غير حبايبك …
صعب تقدر يوم تتعاش …..
ولقتني بصرخ م الألم مطغتهوش …
حبيبي عايش .. بابا عايش مبتشفوش …
دا يمكن شرء لما سقيته …
ونفسه إنحاش مبلعهوش …
هاتوا الطبيب هاتوا الدوا …
هاتوا أوام متبشروش ….
وجه الطبيب وقال احتضر …
وروحه لربه ونفذ القدر …
وأقوله ازاي مفيش أمل …
يقولي خلاص شاء القدر ….
وأرد أقوله أيه السبب …
يقول وباء يقول بلاء ….
ويقول ويقول ألف داء
وفي النهاية … أبوكي مات …
لاقيت ضلوعي اتمزعت …
وخرجت معاه واتقطعت …
وراحت وياه ضحكتي …
وكل روحي أتوجعت …
وسمعت بيقولوا فين الكفن ….
فين الكفن .. يا قلبي يابا …
أبويا راح يكله العفن …
والأقي قلبي بصرخته …
ينازع ياناس من حسرته ….
خلاص فرقت سكته …
والدود هياكل جتته …..
وصراخ وأهات كأنه كابوس …..
وأه يا قلبي وحرقته …..
خنجر في صدري بنفس محبوس …
واقفلي قلبي ودقته …
عمود حديد كسرلي ظهري …
وجرس الفراق يشوف ملامحي …
وانتهت حياتي وفرحتي ….
وجه المغسل أوام يقول …
هاتوا الميهه هاتوا الصابون ….
هاتوا الريحان هاتوا البخور …
ووقع الورق من ع الشجر …
وأحرق يا وجع في الغصون ….
ويسموا ويقولوا بس الله …
ملاك ياربي ما احلاه …
ده ريحة المسك مغرقاه …
وفاحت كل فرشته ….
بريحة المسك وجنته ….
وصرخة قلبي وفرقته …
وصوت يقول دخلوها …
خلوها يا هوه تودع ابوها …
ماهي كانت الاخيره….
والأخيرة دي روح أبوها …..
وأدخل أوام أودعه …
وأبوسه وانا خايفه أوجعه …..
ولاقي بابا عريس والله في دخلته….
وملامحه رسمه ضحكته ….
وأقوله سلام يقولي سلام ….
متعيطيش انا رايح لربي لأعلي مكان …
رضوان ورضا وكرم عليًا من الرحمن ….
ويجري أوام خطواته بتسبق زفته ….
عارف مكانه في رحمة ربه وجنته ….
محمود يا قلبي في دنيته ….
محمود يا حبيبي في أخرته ….
وودعني برده ببتسامته ….
وددع حياته ودنيته ….
مبقاش فضلي شيء خلاص
غير دعوه منه ،، ومصحف صغير ،،
وحبة صور ،، وسبحته !!!!