المستشار فؤاد عجوة يكتب أنا إبن مصر

بقلم المستشار فؤاد عجوة

🇪🇬 🇪🇬 أنا إبن مصر 🇪🇬 🇪🇬
— حتي ترتاح في علاقتك مع وطنك ؛
— اعمل زيي ؛
— بلدي بترابها وعفرتها وزبالة شوارعها وزحمتها وطوابيرها ؛
— هي وطني اللي بحبه وانا حته منه وهو حته مني ؛
— الفرق بيني وبين اي حد بيشتم بلده ؛
— ان هو بيتعامل معاها كانها الخدامة الفلبينية اللي جابهاله باباه ؛
— لكن انا بتعامل معاها بنفس المنطق اللي بتعامل به مع اهلي ؛
— انهم مش اغنى ناس ؛
— ولا بيتنا اجمل بيت ؛
— لكن في نظري احسن ناس في الدنيا ؛ وبيتنا اغلى عندي من اجمل قصور الكون ؛
— احيانا بيكونوا قاسيين لكن واثق انهم بيحبوني ؛
— ومش كل حاجة طلبتها نفذوها ؛
— لكن واثق انهم لو بامكانهم يشترولي السما والارض كانوا عملوا كدا ؛
— وفي اوقات بسبب قسوتهم فكرت انهم بيكرهوني ؛
— لكن لما كبرت فهمت ان لولا قسوتهم مكنتش هبقى راجل بجد ؛
— فلو اتكلمت عن بلدي وظروفها واشتكيت منها وشتمت عليها امام الاغراب ؛
— كأني بشتم على اهلي وبتكلم عن ظروفهم بالضبط ؛
— وساعتها الناس مش هتفرح بيا ؛
••• بالعكس •••
هيقولوا دا قليل الاصل ؛
🇪🇬 🇪🇬 الخلاصة مصر هي امي 🇪🇬 🇪🇬
تحيا مصر 🇪🇬🇪🇬
تحيا مصر 🇪🇬🇪🇬
تحيا مصر 🇪🇬 🇪🇬
🇪🇬 حفــظ الله مصـــــــــر 🇪🇬