مدعوم من 
أزمة بين مدحت العدل وسعد الصغير ..ماسببها ؟ تعرف عن السبب من هنا.
نشبت أزمة بين الكاتب مدحت العدل والفنان سعد الصغير، والتى تصدرت تريندات مواقع التواصل الاجتماعى تويتر بسبب المشاحنات والمناوشات بين الناديين الأهلي والزمالك.
وكانت البداية عندما تحدث الكاتب مدحت العدل، عن جمهور النادي الأهلي، بعد الهجوم الذي تعرض له نادي الزمالك ولاعبيه بعد هزيمة النادي الزمالك من المقاولون.
وكتب «العدل» عبر حسابه على «تويتر»: «الجمهور اللي منه نجيب محفوظ وأحمد زويل ومجدي يعقوب ومثقفي وفناني مصر مش حيعرفوا فاوست، وصاحب أغنية (بحبك يا حمار) سعد الصغير مشجع أحد الأندية العربية حيعرفه.. يا أمة ضحكت من جهلها الأمم».
مما اثار مدحت العدل بكلماته الكثير من الجدل بين رواد الموقع، وانطلق هاشتاج بعنوان «مدحت العدل متنمر»، ودخل جمهور الناديين في معركة إلكترونية كبيرة.
وقام الفنان سعد الصغير، بالرد عليه من خلال فيديو حيث وصف مدحت العدل بالمتنمر، وقال أنه لا يجوز من شخص دكتور وسيناريست أن يصدر منه هذا الكلام، خاصة أن الأغنية جاءت في سياق درامي، وأن شادية نفسها غنت للحمار.
وقال: «لو راجل غلبان بيقول الكلام ده هنقول مش فاهم، لكن أنت راجل فاهم.. أنت عارف يا دكتور بحبك يا حمار اتقالت في سياق فيلم، لما تطلع وتعايرنا بيها يبقى ايه ده؟».
قد يهمك ايضاً:
وتابع: «أنت بتعمل تنمر وأنت دكتور، واللي أبوه علمه أحسن من اللي معاه شهادة، شوف بتتكلم عني إزاي، لكن أنا أبويا فلاح علمني متنمرش على حد، وأصلا أنت متعرفش حاجة في الكورة، لأنك مبتلعبش، لو فريقك مغلوب متعرفش تطلع تحلل وتقول مين اللي لعب وحش».
أضاف سعد: «لو بتعايرني يبقى أنت مش دكتور، نص فرقة الزمالك أنا اللي عاملهم فرحهم وبيحبوني موت لأني عمري ما أغلط فيهم، أنا دبلوم صنايع مبعرفش اقرأ بس أبويا علمني، وأنت اتعلمت بالورقة والقلم، حاول تتعلم من الكلام».
واستطرد الصغير، ما تيجي نعمل إفيهات على بعض أحسن، أنا أقولك لو كنتوا نسيتوا أنا مش هنسي، 6/1 في شهر خمسة وأنت ترد عليا بمداعبة ولا متعرفش تعمل مداعبة؟
https://www.instagram.com/tv/CEcvw-Vh0bW/?utm_source=ig_embed
وفي مداخلة هاتفية له أمس في برنامج «مع قصواء على شاشة قناة ten: قال مدحت العدل ،لم أتزايد على أحد، وحد في قناة الأهلي قال إن جماهير الزمالك عاملة زي فاوست، في إشارة إنها بتبيع نفسها للشيطان، زي ما ذكرت أسطورة جوته، فرديت وقلت التويتة بتاعتي.
وأضاف العدل: أعتذر بشدة عما حدث، وأعدك يا قصواء ألا أدخل في هذا المعترك، لأنه يقلل من قيمتي.
وتابع: مستغرب جدا من فرحة البعض بهزيمة الزمالك من فريق المقاولون العرب، وبقالي 3 شهور مش برد على أي إساءة ولا بتكلم في حاجة.