مدعوم من 
الحياة الزوجية مشاركة اجتماعية
كتبت _ منى وردانى
اصبحت المسؤولية المشتركة بين الراجل والست موضوع مهم جدا بيشغل بال ناس كتير جدا كلنا عارفين ان الزواج بيكون بين اتنين الزوج والزوجة لكن بعد الجواز المفروض انهم بيكونوا شخص واحد وبعد كدا بيكون فى اطفال وانا بعتبر ان عامود البيت هو الراجل بس دا ميمنعش ان الست لية دور مهم جدا ميقلش عن دور الراجل لان الزوجة بتتحمل اكتر من الراجل بيت واولاد وممكن شغل كمان وطبعا القران بيتكلم فى ايات كتير عن الزواج والاسرة.
مثل قوله تعالى ( ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة ان فى ذل لايات لقوم يتفكرون ) صدق اله العظيم يعنى باختصار الزاوج والبيت حاج مهمه جدا ربنا اهتم بيها علشان نعمر الارض طب ازاى نعمر الارض اكيد بشئ واحد وهى المشاركة بين الزوج والزوجة وتحمل لمسئولية المقصود بالمسئولية مش المادة بس لازم كمان المسئولية الاسرية مسئولية تربية الاولاد والاهتمام بشئون البيت نبتدى بالمسئولية المادية والانفاق على البيت بكل احتياجته الطبيعى ان دا يكون من اختصاص الراجل يشتغل ويصرف على زوجتة واولادة ودا الطبيعى الموجود فى كل بيت مصرى بس دا ميمنعش ان فى عكس كدا فى رجالة بتحب الراحة والقاعدة من غير شغل طب دا يشيل مسئولية ازاى هنا تلاقى الست تبتدى تفكر وتاخد قرار بالمشاركة اما بالشغل وتوفير فلوس للبيت او على اقل تقدير التوفير تلاقى الراجل من دول طول النهار على القهوة مع اصحابة تيجى الزوجة تقوله المصروف يقولها منين دروس الاولاد يقولها مافيش مش لازم دروس ومعندوش اى احساس والا اى مشكله وعايش حياته ودا طبعا غلط لان الحياة مشاركة وطبيعى ان الراجل هو معيل للاسرة اما الزوجة ممكن تشارك لو بتشتغل لو حبت ودا مش فرض عليها بس احنا والله طيبين وبنساعد يعنى لازم الراجل يعرف ان عندة سئوليات وهو عارف دا قبل الجواز يعنى هو مش بيتجوز علشان يبهدل بنات الناس يعنى على الاقل لازم يحسس الزوجة ان بيعمل الى علية يشتغل على قدر استطاعته وبعد كدا الرزق بايد ربنا يعنى يعمل الى علية لازم يكون فيه مشاركة فى كل بيرة وصغيرة حتى فى المشاعر ودى ابسط حاجة تعرفوا كلمة حلوة من الراجل لزوجته ممن تخليها اسعد ست بالعالم فبلاش تبخلوا بالمشاعر على زوجتك شاركها حبها ليك ساعات تلاقى الراجل من دول قاعد على الفيس تلاقية قمة الرومانسية مع اى ست وعند مراته تلاقية ناسى الرومانسية او ميسمعش عنها وغضب ربنا على وشة وهو بيكلمها يا عزيزى مراتك اولى بكلامك الحلو ورومانسيتك دى شاركها حبك شارها رومانستك شاركها مشاعرك نصيحة منى لكل ست عايزة جوزك يقولك كلام حلو اعملى اميل باسم بنت وبعتيلة طلب صداقة هتلاقية طول الليل فى عز البرد قاعد البلكونة عمال يغازلك ويقولك شعر وانتى زى الباشا على سريرك تحت بطانيتك وعيشى حياتك اى خدمة ابقى ادعيلى ه فعلا بجد فى رجالة كدا على راى المثل زى القرع يمد لبره يا استاذى مراتك هى سندك فى الدنيا هى نصفك التانى هى دنيتك شاركها حياتك غازل مراتك ومافيش مانع كمان لو بعتلها رساله حب على الموبيل مش عاتتعب يعنى بس هاتفرق كتير قوى معاها شاركها تعبها فى البيت كلمة حلوة منك تعرفها بيها ان مقدر تعبها هاتفرحها اية المشكله لو لقتها تعبانة وجهزت السفرة مكانها او لميت الاطباق او حتى غسلت طبقين لانها تعبانه دى مشاركة ورحمة مش معنى انك شغال وبتصرف انك ترمى كل الحمل عليها متقولش انا راجع من الشغل تعبان هى كمان تعبانه ول النهار فى البيت وممكن كمان تكون
بتشتغل زيك علشان تساعدك على المعيشة ومش بتشتكى الست المصرية دى عاملة زى الجبل وعلى راى المثل يا جبل ما يهزك ريح كلمة حلوة منك تلاقيها ملاك قدامك نعم وحاضر وطيبه بلاش تعاندها واحترم عقلها وقلبها كمان وتحترم انوثتها شاركها معاك فى افكارك فى مشاريعك حسسها بيقمتها مشاركة فى المسئولية يعنى اهتمام حب عطاء تواصل بينكم شاركها اهتمامتها شوفها بتحب اية واعمله معاها بتحب القراءة شاركها قراءة ققصة بتحب مسلسل هندى حتى لو مش بتحبة افرج معها وحسسها انك بتحب الى هى بتحبة بجد دا يفرق معاها جدا احنا الستات مش عايزين منك غير شوية حاجات بسيطة جدا اهتمام احتواء حبها من قلبك واحذر انك تكون بخيل مع زوجتك سواء ماديا او حتى بخيل بمشاعرك دا يموت اى علاقة شاركها مسئولية تربية اولادك متقولش انا مشغول اولادك فى سن معين محتاجنلك لازم تشاركها تربيتهم تعلمهم الصح من الغلط وممكن كمان لوو فى وقت بدل القهوة والا الكافية تذاكر ليهم حسسهم بوجودك بحبك ليهم علشان يعرفوا انك معاهم متابعهم ودا يخفف شوية الضغط عن الام كل لى
قولناه دا هو سر السعادة غير كدا بقا يا ويلك هتلاقى تجاهل هتلاقى لا مبالاه منها تجاهل واحنا مش عايزين كدا وعلشان تقدر تشيل المسئلية معاها لازم اولا يكون عندك ثقة بنفسك بامكانياتك علشان تقدر تاخد القرر السليم فى الوقت المناسب وشارك زوجتك فى قراراتك لازم نعرف ان كلا من الزوج والزوجة لية مسؤليات تجاه الطرف الاخر وتجاه الاولاد كمان مش لازم تكون العلاقة مبنية على الندية والتحدى هنا تفشل الحياة الزوجية عايزة فى الاخر انصح كل وج وزوجة واقولهم المشاركة لازم المشاركة وعلشان يكون غيه مشاركة يعنى لازم يكون فيه حب احتواء احترم بين الطرفين