مدعوم من 
” هشام سليم” يكشف أمام ” شيخ الحارة والجريئة” تحول إبنته جنسيا من ” نورا ” إلى نور
في حوار اتسم بالشفافية ، اعترف الفنان ” هشام سليم” تحول ابنته ” نورا ” جنسيا إلى نور ، بعد إجراء عملية تحول جنسيا، و كيف تفاعل روّاد مواقع التواصل الاجتماعي مع تصريحات الفنان هشام سليم ؟
وقال ” هشام سليم” فى برنامج ” شيخ الحارة” للمخرجة إيناس الدغيدى ،أن نورا ابنته أخذت القرار وصارحتني أنها تعيش في جسد غير حقيقتها ، وكان عمرها فى هذا الوقت 18 سنة، وحاليا يبلغ عمرها 26 سنة، ولما طلبت منى وافقت على الفور.
وقال ” سليم “ابنتي ولدت في جسد صبي … عندما بلغت 18 سنة ، قالت لي نورا “أنا لست سعيدة بجسدي” .. لذلك أنا دعمت قرارها والآن هو ابني “نور”.
وأكد الفنان ، أن جميع أسرته تعامل ابنته الآن على أنها ذكر ويشجعونه على استكمال حياته كولد الآن، معبرًا عن دعمه لأي أسرة تعاني من هذه الأزمة قائلا: «عايز أقول الله يكون في عون الابن اللي كده أو البنت، ويكون في عون أهلها، وأنا كأب مهما حولت مش هقدر أفكر زى ما ابني بيفكر الآن».
وكشف “سليم ” عن مشكلة تواجه ابنه حاليا وهى عدم قدرته على تغيير البطاقة الشخصية لأنه في السجل المدني مقيد فتاة، وهو أمامهم الآن ذكر.
وقال ” هشام سليم” لبرنامج شيخ الحارة التحى تقدمه المخرجة” إيناس الدغيدى” أنه لم يكن فاشل فى تربية أولاده ، ويمكن ماكانوش بيحبونى زمان لكن الآن بيحبونى.
وقال ” هشام سليم” كانت بناتى زمان مابيشاهدوش أي عمل لي ولكن الآن أصبحوا يشاهدوا كل أعمالي.
وكشف ” سليم ” أنه مطلق حيث تزوج مرتين ، من أم أولاده والأخرى سعودية، وزوجته الثانية اضطر من طلاقها لأنها سافرت بلادها لظروف هناك ورفضت الرجوع، وعن زوجته الأولى أم أولاده ، قال: أنا بحبها وبأحب أولادي أنا إل كنت صعب .
كيف تفاعل رواد التواصل الإجتماعى ” تويتر” مع تصريحات” ” هشام سليم”
قام عدد من المشاهدين بنشر تغريدات على ” تويتر” جول تحول ابنة هشام سليم من بنت لولد.
ومن هذه التعليقات :
عمرو سلامة :طبعا موقف أ. هشام سليم يستدعي التحية، لكن المفاجأة الأجمل دعم معظم الناس لموقفه ولإبنه
ديمو:. حضرتك فاهم غلط هو بس عشان إحنا مجتمع ذكوري ،والفنانة الجميلة حنان الطويل أروع مثال ،ماتت عشان المجتمع لم يتقبل فكرة تحولها من ذكر لأنثى
وقال أخر: للأسف لو كان ولد و بقي بنت مكانش هياخد ربع الدعم ده و لو مكانش أبوه راجل مشهور كان هيترجم هو و أهله.
قد يهمك ايضاً:
وقالت خلود : فنان مثقف و متفهم و متصالح مع نفسه، احترمته جدا من طريقة تعامله مع القضية في المقابلة
أحمد نوار: مظبوط ،خصوصا ان دية حاجة مش بايده.
ضحى عصام : يارب محدش يغلط فيهم ويندمو الراجل ع صراحته.
فتحى السيد: بس الأهم ناس مسئولة تتدخل عشان أوراقه بداية من البطاقة نهاية بشهادة التخرج يتم تعديلها بالوضع الجديد لإن إحنا بلد أوراق وكل خطوة لازم يكون فيها ورق ولا الموضوع ما إتحلش دلوقت مش هيعرف يعيش بعد كده ،ده بيقول غير في شكله عشان يبقى بنت ويجدد البطاقة.
شيماء الخولى: عشان الشعب مش فاهم وإيناس الدغيدي قالت خلل هرموني وبتاع.. لو فهموا هيقطعوه عادي
شخص أخر:ممكن ده يكون سهل عشان هو الاب وعشان هشام سليم ، المهم ان الاغلبية تدعم نور نفسه ومتستغلش النقطة دي في اي خلاف معاه.
اتعاطفت معاهم حقيقي الله يكون ف عونهم وإن شاء الله الموضوع حيعدي على خير
منال الجيوشى: تفهم الناس للحالة حاجة تفرح وتخلينا نقول في امل
ملك يحيى: انا شايفه من الطبيعي ان اي اب في مكانه يعمل كده و ان دي حاجه مش بايده
ضحى: مش من حق حد أصلاً يعطي رأيه، هدا ابنه أو بنته أياً كان وهو وإياه حرين، وطالما الشخص شايف انه عنده خلل هرموني وهو أكتر حد قادر يحكم
لبنى:
. للأسف الناس لسه موصلتش لمرحله من النضج إنها تتقبل فكرة التحول دي والضحية هتكون نور.
عمر على: فعلاً موقف محترم جداً من هشام سليم ودعم الناس جبار لكن السؤال هل لو العكس عملية العبور من ذكر لأنثى كانت هتلاقي نفس الدعم
سومه محمد:تحول الست لراجل بيكون مرحب بيه لكن التحول من راجل لبنت بيكون مش بنفس السهوله
محمد فراج :لأنه مجتمع ذكوري..لكن لو العكس كنت ممكن تشوف مواقف تانية، والله اعلم
وغيرها من التعليقات الكثيرة .
طبعا موقف أ. هشام سليم يستدعي التحية، لكن المفاجأة الأجمل دعم معظم الناس لموقفه ولإبنه.
— Amr Salama (@amrmsalama) May 4, 2020