فن وثقافة

محمد الشّحات محمد يكتب بالعامّية: “جنون العقلانين”

والمنتظر .. عندو الجواب .. خلوه يحل المسألة ! خلوه .. يحل المسألة

جنون العقلانين

شعر/ محمد الشحات محمد

عارفين .. أنا اللي

الشمس ساجدة ما بين إيديه

والبدر بينقط سبح .. ، تحدف

نجوم من فوق عليه

حتى المطر مصلوب بيضحك

للسحاب ،

والرمز متشفر على استهلال

برامج دسترة قلبة عنيه

عارفين دا إيه؟ لحظة ميلاد النزف والدنيا

السراب

صرخة ألم مزروع شبك ،

شباكه باب

ألفين كتاب .. بالحب لازمن

يتقروا ،

يتمطروا جوه القصيد

إفراج جديد ، أسفنج من حبة

حديد ،

ألبوم صور مليان جريد ،

الكون بيعزف نوتة من وحي

السكك

والأنتريه ركب شريحته السمرا

من زرع الدكك

كل الجذور لها أصل ثابت ع

الشكك

لكن مهم المعرفة .. طب يعني

إيه “أنا بعشقك”؟

قطر الحروف بتعفره السكة ال

هناك

وانا وانتو عاشقين النهاية

بصوت ملاك

قصدي البداية ف دبدبة عيد

الهلاك

دقة قلوب ، رح تلتقي ف حبة

غياب

يااه .. أنتو سكنتوا الوجع

بدموع فرح

بس الفرح مسكين بيبكي من

الجنون

طبعا جنون العقلانين

عاشقين ولكن كام ألم بيودوا

فين؟

وادي الرفوف ع النقطة

من تحت التراب متستفين

واحنا اتحشرنا النقطتين .. ٱل

يعني حددنا الحروف !

ٱل يعني إحنا المعروفين ..

طب كام سؤال :

رف الجواب ده يبقى فين؟

جوه الظروف؟

الظرف متعلق بغيب

والغيبة عيب ..

يعني النقط فرقت كتير

نقط كمان ..

النقطة من حق الفرح

نقطة عريس ، نقطة عروسة

اتسمرت

والفرقة نقطتها الغزية اللي

اتبرت ،

رقص الوجع مش تورية ،

ميادة بتغني لبليغ ..

قلب الوتر مليان جروح

عازف جديد .. معزوم وحيد ،

مستني نقطة من الفرح

مستني يوم يفرح بليغ

عارفين دا ليه؟

لو يرجع الماضي اسألوه أمته

وفين؟

ازاي ، بكام متستفين؟

ليه غفلانين؟

ياحبيبتي من كل الحضور ..

أنا باعشقك .. الموج بيقلب دندنة ،

كام ثانية مرت في السنة ،

كل الساعات متبدلة

وانا باعشقك حبة سنين ..

متعدلة

بس الكمين ..

معرفش إسمك ..

إنت مين؟ ..

إنتي ..

مين؟!

(٢)

عارفين . . أنا المهدي اللي

مش ..

مش منتظر !

عارفين كمان ..

انا مستحيل أكدب على صحاب

البلاط ..

الحاج متوضي بعياط،

لساه بيضحك لما مات ..

والمستند لفت النظر

متصدقوش إن الخلاص كلمة

ف مدار

وإن اللي دار رح يتنقش فوق

الوظر

متصدقوش ..

مرض الغلابة بسرطنة حلم

الولاد ..،

مربوطة إيدهم في السرير

ولا صرخة الأب اللي مكتومة

بغباااوة مرحلة ..

جربتوا لسع المنحلة؟

إياك تشوفوا الدم متعلق على

حيطان الوجع ،

عايزين نبيع المرتجع؟

خلوا الجليد مليان دفا ..

بالفلسفة..

حطوا الزهايمر في النظر

والمنتظر .. عندو الجواب ..

خلوه يحل المسألة !

خلوه .. يحل المسألة .

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق