بقلم – الشاعر سمير الزيات:
يا حبيبي .. حِس بيَّا
هوّ حبي ليك شويّة
مستحيل أديك محبة
وانت تديني الأسية
ليه بتتجنَّى عَليَّا ؟
يا حبيبي .. حِس بيَّا
*
لو فؤادك من حجر
د الحجارة بتنكسر
لو حديد ممكن بناري
يا حبيبي ينصهر
وانت ليه قاسي عليّا ؟
يا حبيبي .. حِس بيَّا
*
مستحيل أعشق وتقسى
وافتكر حبك وتنسى
واما اجيلك .. واشتكيلك
تبتدي كدبك بهمسة
وان بكيت .. تضحك عليّا
يا حبيبي .. حِس بيَّا
*
هوّ فيه ف الدنيا ايه ؟
لو يضيع حابكي عليه
غير هواك عايش ف قلبي
وانت مش بترق ليه ؟
د الهوى مكتوب عليَّا
يا حبيبتي .. حِس بيَّا
*