مدعوم من 
مكة محمد صلاح تتفاوض مع ليلى في الحلقة رقم 11 من مسلسل كامل العدد 3
كتب – أحمد قرمد :
ظهرت الطفلة مكة محمد صلاح ابنة النجم المصري العالمي محمد صلاح لاعب منتخب مصر ونادي ليفربول الإنجليزي ضمن أحداث الحلقة 11 من مسلسل كامل العدد++.
ومن خلال الحلقة تم حبس مكة من أولاد ليلى «دينا الشربيني» لرفضها عمل لايف لتتدخل ليلى وتتفاوض مكة مع ليلى حتى لا يصل ماحدث إلى محمد صلاح .
قد يهمك ايضاً:
وكان ملخص الحوار الذي دار بين مكة محمد صلاح ودينا الشربيني والتي تجسد دور ليلي في مسلسل كامل العدد3 كالتالي :
ليلى: طبعا كنتوا بتلعبوا مع بعض
مكة محمد صلاح : لا
ليلى: تعالي تعالي أنا آسفة حقك عليا (وتقبل يدها)
إيه اللي حصل
مكة: حسن وحسين وفرح حبسوني هنا
ليلى: أنتي كمان حافظة أساميهم.. بس طبعا كنتوا بتلعبوا استغماية مش كده
مكة: هما حبسوني علشان عايزيني أعمل فيديو لايف وأنا مش عايزه
ليلى: يا نهار أسود
مكة: أنتي مامتهم
ليلى: أنا لأ لأ طبعا مامتهم ده إيه؟
مكة: ولادك هددوني يحبسوني لحد بكرة
ليلى: أولا هما مش ولادي ولا حاجة، تاني حاجة دا أنا هعاقبهم عقاب عمرك مشوفتيه في حياتك
أهم حاجة بس إن إحنا منحكيش لحد بالذات لبابا
حسن: إحنا كنا عايزنها تعمل فيديو لايف عشان الناس تعرف المكان
فرح: أنا سمعت مولي بتقول إنها كانت بدرة تعمل فيديو للمكان عشان مكة هنا هي تعملنا الفيديو عشان تجبلنا فيوز أكتر
ليلى: اسكتي خالص دي فضيحة دولية
مكة: مش أنتي مش عايزاني أقول لبابا؟
ليلى: آه والنبي والنبي يا حبيبتي عشان خاطري (بتبوس إيد وراس مكة)
مكة: موافقة بس بشرط (مكة بتوشوش دينا في ودنها، ليلى بتحبس أولادها في نفس الصندوق)
مسلسل كامل العدد يتناول من خلال أحداثه حياة (أحمد) و(ليلى) وعائلتهما حيث يحظوا بالهدوء والاستقرار مجددًا، لكن سرعان ما تنقلب رأسًا على عقب بعد دخول طليق (ليلى) وشقيقة (أحمد) إليها، ومع ظهور مجموعة من التحديات الحياتية التي يجب عليهم مواجهتها وحلها.
المسلسل من ﺇﺧﺮاﺝ: خالد الحلفاوي وتأليف رنا أبو الريش ويسر طاهر .
طاقم العمل: دينا الشربيني، شريف سلامة، إسعاد يونس ،حسين فهمي ،إنجي المقدم، ميمي جمال ، الطفلة مكة محمد صلاح .