طريقة فراخ مشوية مع البطاطس والصوصات “وصفات رمضان “

المقادير:
• 1 فرخة وزن 1.5 كيلو مفتوحة من الظهر ومفرودة
• ½ كوب زبادي
• 2 معلقة كبيرة معجون طماطم
• 3 معلقة كبيرة زيت زيتون
• 1 معلقة صغيرة بابريكا
• 1 معلقة صغيرة كزبرة ناشفة
• ½ معلقة صغيرة فلفل أسود
• ½ معلقة صغيرة كمون
• ½ معلقة صغيرة قرفة
• ½ معلقة صغيرة زنجبيل بودر
• ½ معلقة صغيرة شطة (اختياري)
• 1 معلقة صغيرة ثوم بودر
• 1 معلقة صغيرة بصل بودر
• 1 معلقة صغيرة ملح
• 2 معلقة كبيرة خل
• عصير 1 ليمونة

طريقة التحضير:
1. في بولة كبيرة، اخلطي الزبادي مع معجون الطماطم والزيت وكل التوابل وعصير الليمون والخل، وقلبيهم كويس.
2. تبلي الفراخ بالخليط ده واتأكدي إنها متغطية بالكامل، وسيبيها في التتبيلة من 4 لـ 6 ساعات في التلاجة (كل ما زادت المدة كل ما كان الطعم أحلى).
3. سخني الفرن على 200 درجة مئوية، وافردي الفراخ على شبكة الفرن، وتحتها صاج أو صينية فيها ورق زبدة عشان تستوي على حرارة متساوية وتنزل العصارة بتاعتها.
4. ادخليها الفرن لمدة 45-50 دقيقة، وفي آخر 10 دقايق، شغلي الشواية عشان تاخد لون مشوي زي الفحم.
5. قدميها على عيش سوري، ومعاها بطاطس مقلية وصوصات.

صوص الثومية الأصلية:

المقادير:
• 3 فصوص ثوم مهروس
• ½ كوب زبادي
• 2 معلقة كبيرة مايونيز
• 2 معلقة كبيرة زيت
• ½ معلقة صغيرة ملح
• عصير نصف ليمونة

الطريقة:
1. اخلطي كل المكونات في الكبة أو بالمضرب اليدوي لحد ما يبقى قوامها ناعم وكريمي.
2. غطيها وسيبيها في التلاجة نصف ساعة قبل التقديم.

صوص الشاورما السوري (الصوص البرتقالي):

المقادير:
• 3 معلقة كبيرة مايونيز
• 1 معلقة كبيرة كاتشب
• 1 معلقة صغيرة مستردة
• ½ معلقة صغيرة ثوم بودر
• ½ معلقة صغيرة بابريكا
• 2 معلقة كبيرة زبادي
• 1 معلقة صغيرة خل
• رشة ملح وفلفل

الطريقة:
1. اخلطي كل المكونات مع بعض كويس لحد ما القوام يبقى ناعم ومتجانس.
2. سيبيه في التلاجة 15 دقيقة قبل التقديم.