مؤسس «أمهات مصر» تعرض أفضل طرق المذاكره للأبناء في شهر رمضان

أحمد مصطفى:

«رمضان كريم.. أيه افضل طريقة للمذاكرة في شهر رمضان؟ شاركونا بتجاربكم عشان نفيد بعض»، بهذه الكلمات وجهت عبير أحمد مؤسس اتحاد أمهات مصر للنهوض بالتعليم، وائتلاف أولياء الأمور، حديثها إلي أولياء الأمور علي صفحة الاتحاد والائتلاف في الفيسبوك.

وقالت عبير أحمد مؤسس اتحاد أمهات مصر وائتلاف أولياء الأمور، إن تنظيم الوقت في شهر رمضان ما بين العبادة ومشاهدة المسلسلات والاستمتاع به وبين المذاكره، أمرا هاما، بالنسبة لطلاب جميع المراحل التعليمية، ولابد وأن يضع أولياء الأمور جدولا مناسبا لأبنائهم، حتي لا يضيع الوقت.

وتفاعل العشرات من أولياء الأمور علي صفحة اتحاد أمهات مصر للنهوض بالتعليم، وائتلاف أولياء الأمور، في الفيسبوك، حيث قالت ولي أمر: “كل سنة وانتم طيبيبن ودايما يارب الفرحة والسلام لينا كلنا، رمضان كريم، المذاكرة طبعا بعد الفطار لأن النهار كله للمدرسة والدروس اللى طبعا كلها هتبقى قبل الفطار، هنلحق ساعتين تلاته قبل النوم نذاكر فيهم عشان كمان امتحانات الشهر”.

وأضافت ولي أمر أخري: “أعتقد أفضل وقت للمذاكره قبل الفطار، الأولاد ينجزوا المهام المطلوبة منهم، لأن بعد المغرب التليفزيون بيسرق وقتهم”، وتقول أخري: “أفضل وقت للمذاكره قبل الفطار بساعتين يكونو الولاد نامو شويه بعد رجوعهم من المدرسة”.

“مدرسة ابني ملتزمه جدا ولازم الأولاد تروح كل يوم والمديره بتعمل مسابقة لأفضل فصل فيه أقل نسبه غياب، وده بيحفز كل الطلاب بعدم الغياب، بنرجع من المدرسة بنيمه لحد آذان المغرب وبعد الفطار بنصف ساعة بنذاكر لحد عشره بالليل”، تضيف ولي أمر أخري: “رمضان صعب التظيم فيه اوى، بس بحاول أعمل تارجت يخلص أسبوعيا بحيث إن آخر الأسبوع نشوف خلص ايه وناقص ايه وأكيد بيقع حاجات بس بنحاول”.

واستكملت ولي أمر: “طبعا فى رمضان الوقت بيجرى بسرعة والمذاكرة هاتكون صعبة واحنا صايمين، هانحاول نذاكر الصبح قبل الإفطار ونشاهد قنوات مدرستنا لاستفادة منها لأن وقت رمضان قصير جدا، ربنا معاكم ومعنا جميعا، وخصوصا الشهادات، لأن المنهج كبير ووقت رمضان قصير وبعد رمضان هاندخل على الامتحانات، ربنا ييسر للجميع يارب”.

وذكرت ولي أمر أخري: “كل عام وأنتم بخير وسعاده، أعاده الله عليكم بالخير واليمن والبركات.. أعتقد أن أفضل طريقة للمذاكره بعد صلاه التراويح الولاد تصلى وتبدأ تذاكر عن طريق تدوين المعلومات ومحاولة سماع الشرح وحل الأسئلة على كل درس أول بأول منعاً للتراكم وربنا معاهم ويوفقهم وكل عام وجميعنا بألف خير وسعاده”.