مدعوم من 
؛؛؛؛( ابجدية الوجود )؛؛؛؛
بقلم – جلال شعلان:
فى ابجدية الوجود
المفردات مالهاش حدود
من الارض لما للسما
اعجاز اياته المحكمه
رب القلوب المؤمنه
والملحده له الخلود
فى ابجدية الوجود
الارض بجماد او نما
فى البحر كائنات والسما
الكل سبح ربنا
مافى عاصي فيهم زينا
يمكن نسينا اصلنا
من التراب واليه نعود
قد يهمك ايضاً:
فى ابجدية الوجود
بكن يكون والبسمله
يخلق من المر الحلى
خلق الحياه لزوال وموت
اعمار وليل ونهار تفوت
سماكيه تبقى قوت لحوت
والشوك فى زات غصن الورود
فى ابجدية الوجود
الخلق سبحان من خلق
نوع وابدع فى الخلق
وهب الجمال وجوه وجوه
وقلوب تدوب وعقول تتوه
وبيعطى حتى اللى عصوه
رحمن رحيم هو الودود
** فى ابجدية الوجود **
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛#@