طريقة عمل الزبادي “اكلات رمضان “

الزبادي  البيتي بدون ماكينة بمكونين اتنين متماسك و لذيذ
من كيلو حليب هتعملي من ١٢ الي ١٥ علبه صغيرة من الزبادي أحلي من الجاهز و اوفر كتيير و انضف لو جربتيه مره مش هتبطلي تعمليه
بدون ماكينه زبادي وبمكونين فقط بخطوه واحده بس اعملي احلي زبادي للسحور
المقادير:
كيلو حليب
علبه زبادي صغيرة يساوي ٢ ملعقة كبيرة
الطريقة::
في وعاء على نار متوسطةنغلي اللبن ثم يترك ليبرد يبقي حوالي ٤٠ درجة مثل دمعة العين كده
يضاف علبة الزبادي الي كوب من الحليب الدافي و نقلب جيدا جدا حتي تذوب اي تكتلات ثم يضاف علي باقي الحليب و نقلب
يصب الخليط في أكواب مناسبة ثم توضع الاكواب في صينية بها ماء مغلي حتي نصف الأكواب
نسخن الفرن لمدة ٥ دقائق و نطفيه ثم توضع فيه صينية أكواب الزبادي و تترك لتاني يوم او لمدة ٧ ساعات و هتاكلي أحلي زبادي
لو تحبي الزبادي بطعم الفراولة او اي طعم ممكن إضافي ملعقة كبيرة من مسحوق الآيس كريم الجاهز بيدي طعم زبادي الفراولة الجاهز
و ممكن اضافة سكر لو تحبي زبادي بطعم السكر