شوفت أبويا في المنام

بقلم – نهله مقلد:

شوفته في المنام

جالى وكانت ملامحه بسلام

قالي تعالى عايزك في كلام

نحكى ونتكلم زى زمان

عليه جريت وقلت تمام

قعدنا وكان أول سؤال

سامحتى ولا لسه فيه ملام

رديت وأنا مش فاهمه السؤال

لكن إجابتي كانت كمان

عموما أنا بسامح من زمان

وكل حاجه علمتهالى بإتقان

أنابيها ملتزمة كما القرآن

كرامتي وإسمك دايما في الأمام

وتانى سؤال كان عن المكان

قالي الدنيا دى مش أمان

تعالى لجنه فيها كل الجمال

جنة ربنا مافيهاش أندال

تعالى هنا كل الجمال

سيبك من البشر أنا عليكى قلقان

رديت وقلت لما يؤون الأوان

ولو على البشر عمايلهم عنده بميزان

وبقت تصرفاتهم عندي مش في الحسبان

عندي اللي يسقط من جدول الاحترام

إستحاله تقومله قومه زى زمان

وبشيله من حساباتي وكأنه شبح خياال

أنا يا غالى محيت كل الأوهام

اللي كانت مسيطرة عليا بجنان

ولاقيتني حقيقي خطوه بخطوه لقدام

إطمن عليا أنا حقيقي تمام

قالي حاسس بيكى وجيت الإطمئنان

وراضى عنك وقلبي بيكى فرحان

يابنت دمى خليكى كما الجبال

الهيبه والفطانه مش بس في الرجال

إنتى بأمانه مفرحانى بإطمئنان

شاور بأيده وقالي سلام

قلتله إستنا لسه فيه كلام

ولسه ماشبعتش من حضنك كمان

قالي أنا جين عشان كنت قلقان

لكن دلوقتى هاامشى وانا فرحان

وهاارجع تانى أكيد في منام

لانى في جنه مش في دنيا الإمتهان

صحيت وصوته فى ودانى ألحان

وريحته كانت ماليه المكان

نزلت دموعي وحاولت أرجع أنام

يمكن تانى أشوفه فى المنام