مصر البلد الاخبارية
جريدة - راديو - تليفزيون

أحداث الحلقة 23 ” الاختيار 3 ” … محمد مرسي ” مش هيسيبوا عيالي”

35

كتبت_ سارة عبدالدايم : 

شهدت الحلقة 23 من مسلسل ” الاختيار 3 ” حوار الفريق عبدالفتاح السيسي مع محمد مرسي حيث طلب منه عدم تدخل الإخوان في شؤون الدولة لكن جاء الرد معبراً ومؤكداً عن من الذي يدير الدولة في عهد محمد مرسي .

الحلقة 23 من مسلسل ” الاختيار3 ” 

وبدأ الحوار بتقديم الفريق السيسي لمرسي مقترحاته، قائلا: “التصالح مع كل القوى الوطنية، وتكوين لجنة لمعالجة التحديات، وكمان الحفاظ على مؤسسات الدولة وعدم السماح بالتدخل في شئونها وخصوصا من مكتب الإرشاد، لازم المسئولية تكون مسئولية الرئاسة فقط، أنا طبعا عارف إن الكلام اللي بقوله ده ضد فكر وعقيدة الإخوان والتنظيم الدولي، بس لازم نشوف حل للموضوع ده، وكمان لازم يكون في دعم لقدرة الأجهزة الأمنية لمواجهة الفكر الهدام المتطرف، وتكوين قواعد بيانات لكل الفصائل التي تتبنى هذا الفكر، وأهم حاجة هي المصارحة المستمرة للرأي العام، والتعامل مع الرأي العام على أنه كتلة واحدة”.

يضيف: “سيادة الرئيس اسمحلي أقول لحضرتك إن حجم التحديات ضخم جدا، مخيف، والجماعة مش هتقدر تتعامل معاه، حالة التظاهر سنة ونصف وجابت اللي فضل من البلد على الأرض، ده غير تراجع الاحتياطي في البنك المركزي لأقل حجم في تاريخه، وكمان الفاتورة الباهظة للمواد البترولية والدعم، تفتكر حضرتك إن الجماعة هتقدر تتعامل مع كل المسائل دي؟“.

يتابع السيسي: “وبعدين يا فندم أنا عايز أقول حاجة.. البلد بتدار برئيسين، حضرتك هنا في الاتحادية، وهناك في مكتب الإرشاد، لا يمكن يكون هو ده المسار الصحيح لمواجهة التحديات اللي بتكلم عليها دي.. أنا عندي اقتراح ممكن يخرجنا من الأزمة دي.. يا ريت يا فندم ملكش دعوة بالجماعة، مش قصدي يا فندم إن حضرتك تعاديهم، لأ لأ لأ، يعني بقول نحط النقط على الحروف، مكتب الإرشاد في مكانه، والرئيس بيدير الدولة“.

يرد مرسي: “سيادة الفريق أنت متخيل لو أنا انفردت بالحكم وهمشت جماعة الإخوان المسلمين هما هيسيبونا، ولا هيسيبوا ولادي، دي دونها الرقاب”.يختتم السيسي: “بالمناسبة يا فندم، أحب أقول لحضرتك إن الجيش مع حضرتك مش مع جماعة الإخوان المسلمين، وحضرتك عارف كويس أوي يعني إيه الجيش يبقى داعم للرئيس، طالما الشعب راضي”.

الاختيار الحلقة 23

وعلي الجانب الآخر استكمال لجهود الضابط مصطفي حيث يتضح استخدام إسراء في مقابلة شخص غير مصري على الحدود، يمدها بسبائك ذهب وأجهزة موبايل وخطوط تقوم بتوصيلها لأبو منير.

قد يهمك ايضاً:

ارتفاع حصيلة الضحايا في غزة إلى 31819 شهيدا و73934 جريحا

النشرة المرورية… كثافات مرتفعة بكوبري أكتوبر والطريق…

ويتضح من تحريات مساعدي خليفة، أن التغيرات التي نفذتها الجماعة في الأكواد والتشفير، وأن اسم “خطاب” هو الاسم الحركي لأبو منير.

ويشدد خليفة مع رجاله على ضرورة أخذ إسراء لاحتياطها الأمني. الاختيار 3

الاختيار 3

تسريب خيرت الشاطر يتحدث عن نجيب ساويرس 

يقول الشاطر في التسريب: «أنا مش بطلب من حضرتك دلوقتي، هاته حاكمه عشان ربما سياسيًا ودوليًا الكلام مع واحد زي ساويرس أو بتاع هيتغير بطريقة تانية إنما أنا على أخلي الجهات القضائية بس تبدأ تستدعي، نبدأ تحرك القضية من طرف خفي، أحمد بهجت عليه أكتر من 4 مليارات جنيه في البنك الأهلي واخد بال حضرتك ما هو موجود مش معقول أنا أسيبه يحول قناته لشغل الهد في البلد، برضه مبقولش أعدمه ولا أعمل أي حاجة فيه لأ أنا واقعي في حلولي وكل حاجة.. مش صدامي فبنتهى البساطة أنا أحقق، ابدأ بس أخلي البنك يقول أنت خلاص مدفعتش ومعادك فات فإحنا مضطرين نحط إيدينا على ممتلكاته وعلى القناة وعلى وعلى»الاختيار 3 الاختيار 3

الاختيار 3

أبطال مسلسل ” الاختيار 3 ”

ويشارك في بطولة الاختيار 3 مجموعة كبيرة من النجوم، أبرزهم الفنان أحمد عز وكريم عبد العزيز، وأحمد السقا، وخالد الصاوي، ومحمود البزاوي، وسمر مرسي، ومجدي فكري، وبيومي فؤاد، وصبري فواز، وإيمان العاصي، وآدم الشرقاوي، ودنيا المصري، وعصام السقا، ومحمد رياض، وهشام إسماعيل، وعبد العزيز مخيون، وهو من تأليف هاني سرحان وإخراج بيتر ميمي.

القنوات الناقلة 

يعرض مسلسل “الاختيار 3” في رمضان 2022 الجاري، على قنوات ON، إلى جانب طرحه على منصة WATCH IT

 

التعليقات مغلقة.