رنا على تكتب : أحلام ( ملكة اليقين )

بعشق الطبيعة وبكون وسطها حاسه ببهجة روحي بحب اتعامل مع القلوب النظيفة وبشوف الناس بقلبي مهما أكون زعلانه ومخنوقة التفاصيل البسيطة ممكن تغير مودي ذي صوت عصفور وردة قطه أي حاجة فيها روح حلوة دة أنا بحب الحياة وبعيشها بكل تفاصيلها وقبلها بكل حاجة فيها بحلوها ومرها ودايما بخلي المر حلو معنديش سند غير ربنا

وهو بيكفيني بتعلم وبدرس الحاجات إلا بحبها وبطور دايما من نفسي لأرتقي كل يوم بالنسبالي هو بداية حياة جديدة مع نفسي ومع الله سعيدة ومبسوطة أن ربنا هو ربي كلمات من( ملكة اليقين) الجميلة نورا جمعة اللي بدأت كلامها معايا بهذه المقاطع المعبره والرنانه تحمل كل معاني الإنسانية والأحساس درست نورا علوم كتير منها علوم الطاقة ومسارات الطاقة ودرست دبلوم في الطب الصيني وكمان مدربة لياقة بدنية أنا وأخصائية نفسية وبتدرس حاليا ماجستير في علم النفس وحلمها تكون مذيعة وتوصل صوتها لكل العالم وتعمل حاجة جديدة ومبهجة ان شاء الله تحققي كل أحلامك ( ملكة اليقين )