آخر صيحات التسريحات من خبيرة الشعر والصبغات السعودية أمل العماري

كتب _ يوسف سلامة

بدأت خبيرة الشعر والصبغات السعودية أمل العماري مسيرتها المهنية عن طريقة الهواية التي مارستها مع الأهل والصديقات، حتى انتقلت للاحتراف فيها. حصلت على العديد من الشهادات الرسمية المعتمدة من حرصها على العمل بحرفية واتقان في كل ما تقدمه للعميلات. وهذا طبعاً ساهم في تغيبر الصورة النمطية لمصففات الشعر في المجتمع السعودي، ما يعتبر تحدياً لها ولزميلاتها. إليك ما تقوله عن خوضها مهنة تصفيف الشعر وما هي الصيحات الرائجة لهذا الموسم، وأي تسريحات شعر جديدة تقدمها للسيدات.

من هي أمل العماري 

اسمي أمل العماري شابه سعودية الجنسية،أسكن في مدينه الخبر

وما قصتك ومراحل بداياتك في مهنتك الحالية.

 كنت سابقا اصمم مجوهرات وبعدها قررت افتح صالون واتميز بشي فقررت اسوي مدرسه لنفسي بصبغات تكون غير عن المعتاد وسويت اعلان انا القص مجانا عشان اتدرب على الشعر اللي قصيناه من الزبون.

جلست اسبوعين اجرب الالوان الاساسيه لاني مادرست صبغات ودايم اللي اشوف الالوان اقشقر مثلا تنحط على الشعر وبعدها تقلب اورنج او اصفر او يتلف الشعر فقررت اسوي الوان ماتقلب واسوي الوان ثري دي كل اظاءه يطلع لون كل تسريحه او لما تغير تسريحه يطلع لون وكل ماتعتق وكل غسله لون أجمل والميزه بعد انا لما احط لون ماتقدرين تقرين اللون أو تعرفينه

وساعدني بنجاحي زوجي وللة الحمد كان جدا متفهم اني مشغوله لازم اشتغل على نفسي والحمدلله نجحت في البدايه كنت اغري الزبون نسوي لك سشوار اظافر بس نصور شعرك ونحطه في حسابي الان الزبون هو يطلب منى احطه بحسابي بدون ما اسوي لها خدمات مجانيه لانها تعتبر انا شغلي ماركه عالميه والكل يتفاخر انا صبغ عندي لدرجه انا في ناس ماتكون صابغه وتقول انها صبغت عندي

ما هي الاعتمادات التي حصلت عليها في هذا المجال؟

اعتمدت كثيراً على شهاداتي وخبرتي وممارستي للعمل، حيث حصّلت عدّة شهادات عالمية من مصفّفي شعر محليين وعالميين، 

لقد قمت بتصفيف شعر العديد من النجمات، ماذا أضافت هذه التجربة الى رصيدك، وما الخبرة التي اكتسبتها؟

بالتاكيد أضافت هذه التجربة مع الشهيرات الكثير لي، حيث أنني تعاملت مع الكثير من النجمات والشخصيات الهامة، وكنت سعيدة جداً بالتعرف إليهنّ عن قرب.