مصر البلد الاخبارية
جريدة - راديو - تليفزيون

حلا شيحة تتبرأ من «مش أنا» وتدعو تامر حسنى إلى التوبة

2

أحمد جمال :

 

هاجمت الفنانة حلا شيحة الفنان تامر حسني بعد نشرة كليب من فيلم مش أنا والذي يعرض حاليا بدور العرض حيث ظهرت في الكليب بصورة رومانسية وذلك ما اثار غضبها ودعت تامر حسني للتوبة .

 

ونشرت حلا شيحة ، عبر حسابها الرسمي على  انستجرام، منشورًا قالت فيه: “أنا اتفاجئت جدًا بنزول كليب يجمع فيه مشاهد متفرقة من الفيلم، خصوصا بعد آخر بوست نزلته ووضحت فيه أنا إيه.. واتفاجأت أكتر خصوصًا بعد وعد تامر حسني ليا وتأكيده أنه حیحترم رغبتي وبعض الطلبات اللي طلبتها منه بكل احترام وود الصيف اللي فات وأکدلي إنه حيحترم رغبتي”.

 

وتابعت” صدقوني بمقايس ربنا احنا لم و لن ننجح انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح…….بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى “.

وإستكملت الحديث عن مشاهد الفيلم التي ظهرت بها وقالت :”انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا “.

وأكدت “أن الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن…..احنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلنا.

قد يهمك ايضاً:

غالي يوجه الشكر إلى السفير المصري في تنزانيا

وإختتمت بنصيحة الفنان تامر حسني  وقالت : “شوفه تاني يمكن يفكرك ان جواك اكيد في صراع و انا و كلنا………كلنا بنغلط بس المهم في الاخر نتدارك الغلط و نصلح .{إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد”.

 

 

 

View this post on Instagram

 

A post shared by Hala Shiha (@halashihanew)

 

ومن جانبه علق الدكتور جمال فرويز، استشاري الطب النفسي، قائلًا “إن الفنانة حلا عليها التخلص من الازدواجية في الشخصية وأن يكون هناك حد فاصل بين الشخصية الدرامية والشخصية والمعتقدات، فهي تراضت أن تكون فنانة وهي من خضعت لتصوير الفيلم بكامل إرادتها كيف تهاجمه بعد ذلك”.

وأضاف ” أن سلوك  حلا شيحة الآن هو سلوك نفسي مهتز، كما أنها تتسم بالتغيير الحاد والسريع في المزاج”.

ونصحها الدكتور جمال فرويز عدم الاستمرار على التذبذب وفي حالة الارتضاء بالاعتزال فتقدم على ذلك طالما في مصلحتها.

 

التعليقات مغلقة.