ياسمين عبد العزيز تجري عملية دقيقة وصعبة

كتبت – يارا البسيونى:

دخلت أمس الفنانة ياسمين عبدالعزيز الى غرفة العمليات لإجراء عملية صعبة لم تكشف نوعها او مدى خطورتها على حياتها .

وقد تفاجأ الجمهور بالخبر عندما نشر الفنان أحمد حلمى أحد صورها وكتب (أختى الغالية ياسمين بتعمل  عملية صعبة ، ممكن تدعولها تقوم بالسلامة) ولم يعط أي تفاصيل ، بل أكتفى بطلب الدعاء لها فقط.

وقام زوجها الفنان أحمد العوضى بتوجيه رسالة لها وكتب العوضي، عبر صفحته الرسمية بموقع “فيسبوك”: “يمكن ببان قدامكم دايما قوي.. لكن الحقيقة أنا دلوقتي أضعف إنسان على وجه الأرض عشان أنا روحي مش معايا.. أنا ضعيف جدا من غيرك أنتي لازم تبقي كويسة ولازم تقومي بالسلامة.. أنا لأول مرة أكتب من غير ما أكون مفكر أنا بكتب إيه وهكتب إيه.. بس أنتي هتقومي إن شاء الله بإذن الله عشان أنتي وعداني وعد وهتتفذيه”.

اكمل العوضى .. “أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة.. وأنا دلوقتي مش قوي زي ما أنتي بتشوفيني، أنا دلوقتي ضعيف ضعيف جدا.. لحد ما تقوميلي تاني عشان زي ما أنتي بتاخدي قوتك مني أنا كمان باخد قوتي منك”.

وأختتم كلامه “قومي عشان أنا بحبك.. بحبك أكتر بكتير من كل الكلام اللي أنا كتبته.. أكتر بكتير من كل اللي عدينا بيه مع بعض من أيام حلوة ومواقف صعبة مرت علينا.. أكتر بكتير حتى من الموقف اللي إحنا فيه دلوقتي.. أنا بحبك.. ادعولها تقوم بالسلامة زي ما أنتوا دايما بتدعولها بالنجاح والتوفيق.. هي دلوقتي محتاجة دعواتكم”.