مدعوم من 
مزارعي العنب بمركز السنطة يستغيثون بمدير أمن الغربية إلحقونا…….”بيتنا إتخرب”
كتب – السيد السياجي :
في واقعه مأسوية تهدد بخراب بيوت المزارعين والاهالي بقري مركز السنطة، حيث تكرار سرقة طلمبات المياه وحديد العنب وإهدار المحصول من الأراضي الزراعية .
يقول محمد السيد أحد أهالى كفر خزاعل من قبل عيد الأضحى وكل يوم يحصلنا سرقة من الأراضي ومش عارفين هنلاحقها منين ولا منين ياناس عاوزين حد يشوفلنا حل من المسؤليين .
قد يهمك ايضاً:
وقال عبد المحسن خليل أحد أهالي قرية شندلات بنصحي كل يوم بعد صلاة الفجر بنروح أراضينا عشان نراعى زرعة السنه فى محصول العنب وبنشترى المبيدات والاسمده بالدين على كل زراعة السنه وبعد كل التعب دة بنلاقي السلك والحديد مسروق وزرعنا بيترمى عالارض وإشتكينا كتير ومحدش سأل فينا علشان غلابة.
وقال محسن محمد من أهالي ميت ميمون روحنا المركز عملنا محاضر وكل يوم نلاقى السرقه بتزيد وبيوتنا بتتخرب ومحدش إتحرك ولا سأل فينا إحنا بنستغيث بالسيد مدير أمن الغربية يشوفلنا حل إحنا هنتسجن بسبب الديون اللى علينا وكمان الحديد بيتسرق ومش عارفين نعمل إيه ولا نروح لمين تاني .
جاء ذلك علي لسان أهالي ومزارعي مركز السنطة مستغيثين بمدير الأمن والمسؤولين من حالات السرقات التي زادت عن حدها ،مهددة بخراب بيوتهم.
التعليقات مغلقة.