مدعوم من 
مدرس يعتدي على طالب بمدرسة شباب المستقبل في العجمي
كتب – محمد عيد:
نشر مدونون على صفحات التواصل الاجتماعي “فيس بوك”، استغاثة أحد أولياء الأمور في منطقة العجمي التابعة لمحافظة الإسكندرية، قال فيه “إن مدرس الدراسات في مدرسة شباب المستقبل بالعجمي، قام بضرب أحد التلاميذ”.
وأوضح “المدونون”، أن المُعلم قام بتقطيع وش الطالب، وضربه وركله بـ “بالشلوط” بحسب تعبيرهم.
وعلق آخرون على الواقعة بقولهم: “هو الطالب رابح يتعلم ولا ينضرب بالشكل الهمجي ده، حسبنا الله ونعم الوكيل”، مدشنين هاشتاج #مين_يجيب_أحمد #مدرسة_شباب_المستقبل.
قد يهمك ايضاً:
وتابع المعلقون: ” مدرسين المدرسة بقوا بيسقطوا العيال عشان الدروس ومعاملة من المدرسين لأولياء الأمور غير لائقة، وحتى المديرة بتاعة إعدادي بنات معاملة منتهى قلة الأدب، أنا قلبي بتقطع وأنا بقول الكلام ده لأنها كانت مدرستي وكانت دايما المركز الأول على الاداره في المستوى التعليمي والانشطه الرياضية والنضافة”.
وقالت “ميادة”، إحدى طالبات المدرسة، أنا فـ ٢ ثانوي، السنة اللي فاتت حصل معايا نفس الموقف هقولك تعمل اييه بقا علشان تعرف تاخد حقك زي منا معمل، أولًا تروح تعمل محضر وتقرير طبي قبل الإصابات متروح، وتطلع ع طوول ع وزاره التربيه والتعليم عند (الاتصال السياسي) وتعمل شكوى هناك ف المدرس وتحكي اللي حصل ويبقا معاك أسامي شهود اللي شافوا الواقعة دي لو محدش شاف مش مهم، وبعديها تروح ع المدير العام حسب اداره الطفل اللي تابع المدرسة وتقدم فيه شكوى وتدخل للمدير العام شخصيا وتوريلو الإصابات وتشكي المدرس هيرووح ف ستين داهية واحتمال يتفصل وخد بالك من الاتصال السياسي ب الذات علشان هما اللي بيجيبو من الأخر”.
وتابعت: “المدرس هياخد جزاا بس أوعي ياخدها اصابه عمل هتبقا مصلحه ف حقه هيعد ييجي شهر اجازه وهوا بياخد مرتبه وباشا واهم حاجه محدش يتعرض للمدرس ده علشان ميخدهاش اصابه وكل حاجه قانونا هتمشي بس ف الاتصال السياسي مفيش تنازل عن الشكوي يعني لو المدرس ده هيصالحك وهتخدوها ود ف بلاش تعمل كل ده بس حق ابنكم هيبقا ف الأرض”.
