مؤسس “أمهات مصر” تطرح علي أولياء الأمور موضوع كيفية تنمية مواهب أبنائهم

أحمد مصطفى:

“كلمونا عن المواهب اللي بيتميز بيها أولادكم وإزاي بتنموها؟ خلونا نفيد بعض”، بهذه الكلمات وجهت عبير أحمد مؤسس إتحاد أمهات مصر للنهوض بالتعليم، وإئتلاف أولياء الأمور، حديثها مع أولياء الأمور.

وقالت عبير، إن التركيز مع الأبناء منذ الصغر وتنمية مواهبهم أمر مهم للغاية، ويعود بالنفع عليهم، موضحة أن اكتشاف الموهبة مبكرا لديهم وتنميتها فيهم يعمل علي سهولة تميزهم فيها والتفوق، لافته إلي أن إتحاد أمهات مصر يولي اهتمام خاص بالطلاب المتفوقين والمتميزين في كافة المجالات، وكان قد أطلق مبادرة بعنوان “المستقبل لهن” لتشجيع الطالبات من أصحاب المواهب وإلقاء الضوء عليهن، وغيرها من المبادرات.

وتفاعل أولياء الأمور من الأمهات علي صفحة إتحاد أمهات مصر للنهوض بالتعليم، في الفيسبوك، حيث قالت ولي أمر: “بنتي الحمدلله الحزام الأسود في الكونغ فو والكيك بوسنج والساندا ومنتخب مصر المقاولون العرب، ومركز أول في ١٥ بطوله بفضل الله.. شجعتها علي التدريب الأول في أكاديمية وانتظمنا، وكل مره كانت بتكسب بالمركز الأول وتاخد الشهادة والميدليه، بقي عندها حافز أكثر للتمرين لحد ما وصلنا الاختبارات المنتخب وكسبت وصممت اني اطلع بيها برا الأكاديمية وربنا كرمنا بنادي المقاولون العرب واستمرينا سنه علي مواظبة التمرين لحد ما اتسجلنا في الاتحاد باسم المقاولون العرب”.

وأضافت ولي أمر أخري: “كل طفل وله موهبه في شئ معين، في طفل ممكن يكون موهبته في الرياضه وممكن طفل تكون موهبته في الرسم أو الفنون أو الموسيقي،

وعلي الصعيد الشخصي بحاول أخلي أولادي يمارسوا أكثر من رياضه علشان يعرفوا يقرروا بعد كده هما أكثر شغفآ لأي رياضة منهم ويبقوا جربوا، وفي منهم اللي حابب الرياضه بجانب الموسيقي أو الرسم،

أهم شئ المداومه في أي شئ بيبتدوه يعني منجيش في منتصف الطريق ونعمل استوب لأننا تعبنا أو مفيش وقت أو جهد لأن الرياضة والهوايات مهمه جدا لكل الأعمار وخاصة بمرحلة المراهقة”.

“بناتى كان كل واحده موهبه، واحده كاراتية والتانية بيانو، وحاولت انميلهم الموهبة دى واتجه إلى مراكز الثقافة والنادى وادربهم مع مدربين كويسين عشان يطلعوا أحسن ماعندهم والحمد لله بنتى أخدت حزام أسود”، تضيف ولي أمر أخري: “بنتي موهبة الرسم وبتدخل مسابقات والحمدلله المدارس بقت بتهتم بالتربية الفنية غير زمان خالص، ومن وهي صغيرة 7 سنين تقريبا وهي دلوقتي في أولى إعدادي”.