كبسه الدجاج ” وصفات رمضان “

الكبسه من أشهر الأكلات الخليجيه عامه

تحضير الكبسه

وتتميز بالطعم اللذيذ والطريقه السهله سواء باللحمه أو بالدجاج هنعملها النهارده بالفراخ حاجه كده آخر طعامه

المقادير:

فرخه کامله مقطعه او أوراك او صدور اي نوع تفضلوه

بصله متوسطه مقطعه صغير

فلفلایه حاميه سليمه او بارده مقطعه

2 طماطم كبار بدون قشر ومفرومين

فصين توم مفرومين

جزره مبشوره

معلقه كبيره صلصه

مكعب مرقه خضار

2 كوب أرز بسمتي

معلقتين سمن علي زيت

التوابل المطحونه نص م ص

ملح ، فلفل اسود ، كاري، كركم ، كمون ، كسبره ( وربع معلقه صغيره زنجبیل و بهارات صحيحه ( عود قرفه خشب ، واحده لومي ليمون مجفف ، ورقتين

لورا ، فصين حبهان ، 4 حبات قرنفل ، 3 حبات كبيبه صيني )

الطريقه….

أول حاجه غسل الفراخ كويس وتصفيتها وتنشيفها جيدا وتتبيلها برشه من بهارات الكبسه المطحونه ونتركها قليلا حتى نجهز الخضار ونقطعه.

في حله علي النار نسخن معلقتين زيت مع سمن ونضيف البصل ونشوحه حتي يذبل بعدها ننزل بالبهارات الصحيحه ونقلب لغايه ما نشم ريحتهم ثم ننزل بالفراخ وبعد ما الفراخ تغير لونها ننزل بالملح و بالتوابل المطحونه ونقلب بعدها التوم ثم الصلصه و الطماطم والفلفل والجزر ومكعب المرقه ونقلب كله كويس وبعدين ننزل علي كل ده بالمايه المغليه كميتها تكون مغطيه الفراخ وبعد ان تغلي أول غلوه نهدي النار ونسيب الفراخ تستوي حوالي نص ساعه وبعد سوا الفراخ بننقلها في صينيه فرن ونسيبها شويه علي جنب

وبعد كده ننزل بالارز المغسول والمنقوع نص ساعه ومتصفي كويس في نفس مكان سوا الفراخ ونزود الارز ميه سخنه لحد ما توصل فوق وش الارز بحاجه بسيطه يغلي شويه وبعدين نهدي النار خالص ونسيبه يستوي بياخد من تلت لنص

ساعه

بعدها ندهن قطع الفراخ بالكاتشب أو الصلصه مع رشه كركم و معلقه زيت صغيره ونحطها تحت الشوايه تاخد لون جميل .

بعدها نغرف الارز ومن فوقه الفراخ ورشه من البقدونس ويمكن لنا اضافه الزبيب

وشرايح اللوز المحمص في السمن علي حسب الرغبه

و احلي كبسه بطعم رائع و

وتقدم مع السلطه الخضرا او سلطه الزبادي او سلطه الدقوس الشهيره بجانب

الاطباق الخليجيه

سلطه الدقوس …

نضع في الكبه (2) حبه طماطم بدون قشر مع فلفله حاميه وفصين توم مع ربع كوب كسبره خضرا مع معلقتين زيت زيتون او عادي ومعلقه كبيره خل وعصير ليمونه ورشه ملح وفلفل ( وتخلط المقادير كلها مع اضافه قليل من الماء لضبط
سمك الصوص