قصتي؛؛

بقلم الشاعر : عاطف الجعار 

ح حكى لكم قصتي وانتم علي حكام

انا كنت عايش سعيد في يوم من الأيام

والناس بتسهر وانا كنت وحدى انام

شفت صبية جميلة على وجهها اليثام

مشيتها والله عجب وقوامها فتان

الشعر لون الدهب أما العيون غزلان

شغلت عيون فى لحظة والقلب صار ولهان

سألت على إسمها قالوا الناس سوزان

رحت لابوها أسأله يا عم المهر كام

قالى أبوها مهرها وزنها لولى ومرجان

رحت لابويا أسأله يابا معانا كام

قالى معانا الله العلي الرحمن

صرخت بأعلى صوتى انادى الرحمن

يعني على غربتي من أجل سوزان

فى الغربة والله شربت العذاب الوان

والدمع سال على الخد من بعد سوزان

ونهارى في الغربة صار ياناس ظلام

العيشة في الغربة صعبة والأصعب فراق سوزان

ابكى أنا ولا انوح ؛ قلبي من الألم مجروح

والله يا ناس بعد الحبيب أصعب من طلوع الروح

الغربة خلاص ملت منى لكن يا ناس غصب عني

مهر الحبيبة ح يقتلني والخوف ياناس لا تروح منى

دا المهر غالى وجبار وقلبى مولع بحبها نار

ويا خوفى من آخر المشوار ومهرها يكون هتزار

خايف ارجع الاقيها معاها أسرة يا ناس ودار

قولولى بقى وماتخبوش بس اوعو تقولو ما بتحبهوش

لان الحب بالنسبة لى كلمة يا ناس ماتكفهوش