فرايد تشيكن “وصفات رمضان “

المقادير:
• 1 كيلو من قطع الفراخ اللي تحبيها
• 1 ½ كوب دقيق متعدد الاستخدامات
• 2 ملعقة كبيرة نشا
• ½ ملعقة صغيرة ملح
• ½ ملعقة صغيرة فلفل أسود
• ½ ملعقة كبيرة بودرة ثوم
• ½ ملعقة كبيرة بودرة بصل
• 1 مكعب مرقة دجاج مطحون
• 1 ملعقة صغيرة بابريكا
• بولة مياه ساقعة متلجة

طريقة التحضير:
• اغسلي قطع الفراخ كويس وصفيها في مصفاة لحد ما تنشف خالص.
• في بولة كبيرة، اخلطي الدقيق مع كل التوابل اللي قولنا عليها، وسيبيه على جنب.
• تبلي قطع الفراخ بنفس التوابل ولو عاوزاها سبايسي، زودي ملعقتين صلصة حارة، وسيبيها ترتاح في التلاجة 4 ساعات على الأقل.
• خدي كل قطعة فراخ، غلفيها كويس بخليط الدقيق والتوابل، وبعد كده شيليها وتخلصي من الدقيق الزيادة.
• غطسيها في المياه المتلجة، وبعدها نزليها تاني في خليط الدقيق واضغطي عليها كويس علشان تتغلف تمامًا.
• كرري نفس الخطوات مع باقي القطع، ورصيهم في صينية أو طبق كبير، وادخليهم التلاجة 3 ساعات على الأقل، ويستحسن ليلة كاملة.
• سخني زيت غزير في طاسة عميقة، ونزلي قطع الفراخ واحدة واحدة براحة، وسيبي بينهم مسافة علشان ما يلزقوش في بعض.
• اقليهم لمدة 20 لـ 25 دقيقة على نار متوسطة، وقلبيهم كل شوية لحد ما يتحمروا من كل الجوانب.
• طلعي الفراخ وصفيها من الزيت كويس.