مدعوم من 
طريقة كفته الحاتي “وصفات رمضان “
المقادير
كيلو مفروم ويكون فيه ٢٠%دهون
تفل بصلة كبيرة مفرومة ناعم ونشيل ماية البصل علي جنب
كيس توابل سبايسي للكفتة المشوية(من أي سوبر ماركت)
ملح وفلفل رشة بقدونس
٢م ك نشا او بقسماط مطحون بس أفضل ف الطعم النشا
الطريقة
نخلط تفل البصل والتوابل والبقدونس مع بعض الاول وبعد كدا نضيفهم علي اللحمة ثم اضيف النشا
وهنا بقي اهم خطوه للكفته وهى العجن
اتعاملي مع اللحمه اكنها عجينه واعجنيها كويس جداااا جداااا
هتلاقيها فيها خيوط كدا دى انسجه اللحمه
وندخلها بالثلاجة نص ساعة علي الاقل تتشمع
هنا دور مايه البصل عشان نتبل ونصبع بيها الكفته
نضيف علي ماية البصل ملح وفلفل وم ص صلصلة و٢ م ك زيت ودة الخليط اللي هنصبع بيه الكفته
قد يهمك ايضاً:
ملحوظه
هنا خطوتين للفحم ياقبل ما نصبو الكفته يابعد السوا
نولع فحمة علي النار ونعمل حفرة في وسط طبق اللحمة
ونحط الفحمة في فويل ونحطها بالحفرة وننزل بمعلقة سمن أو زيت عالفحم ونغطيها بفويل تاخد ريحة الفحم
نبل ايدينا بماية البصل ونصبع الكفته علي سيخ خشب او معلقه خشب مهم جدا علشان تضمني تسوية ممتازة
التسوية
مهم جدا يدخل فرن سااااااخن علي ٢٠٠ علشان لو الفرن بارد الكفته هتنزل عصارتها علي مايسخن الفرن وهتنشف منك
بتاخد وقت ٢٥ دقيقة لو طولتي عليها برضه هتنشف منك
بعد ماتخرج من الفرن لمعي الكفته بالدهون اللي نزلت في الصينيه
وهنا ممكن تضيفي الفحم زى ما قولت فوق