مدعوم من 
طريقة كاسات تشيز كيك اللوتس “حلويات رمضان “
المقادير
طبقة البسكوت
• 20 قطعة بسكوت لوتس
• ½ كوب زبدة سايحة طبقة التشيز
• 250 جم جبنة كريمي (كيري سبريد أو أي نوع كريمي)
• 1 كوب كريمة حلويات سائلة
• 3 معالق كبار سكر بودرة
• 2 معلقة كبيرة زبدة لوتس للتزيين
• بسكوت لوتس مطحون
• شرايح بسكوت لوتس
الطريقة تحضير طبقة البسكوت
نطحن البسكوت في الكبة، وبعد ما يبقى ناعم نضيف عليه الزبدة السايحة ونخلط كويس لحد ما يبقى قوامه رملي متماسك. نوزعه في الكاسات مع الضغط عليه بخفة وندخله التلاجة يتماسك. تحضير طبقة التشيز
في وعاء، نخفق كريمة الحلويات بالمضرب الكهربائي لحد ما تتقل. في وعاء تاني، نخلط الجبنة الكريمي مع السكر البودرة وزبدة اللوتس (بعد تسخينها في الميكرويف 30 ثانية عشان تسيح). نضرب الخليط كويس بالمضرب الكهربائي لحد ما يبقى ناعم وكريمي. بعد كده نضيف عليه الكريمة المخفوقة ونقلب بخفة لحد ما يبقى القوام متجانس. نحط الخليط في كيس حلواني وندخله التلاجة شوية. التجميع والتقديم
نحط طبقة من خليط التشيز فوق طبقة البسكوت، بعدين طبقة بسكوت لوتس مطحون، وبعدها طبقة تانية من التشيز، ونختم بطبقة بسكوت مطحون. نزين الوجه بشرايح بسكوت لوتس، وندخل الكاسات التلاجة تبرد كويس قبل التقديم.