طريقة طاجن بامية باللحمة “وصفات رمضان “

المقادير:
• 500 جرام لحم بتلو مقطع مكعبات
• 500 جرام بامية مغسولة ومقمعّة
• 1 بصلة مفرومة ناعم
• 1 فلفل حار مقطع
• 4 فصوص ثوم مهروس
• 1 ملعقة صغيرة كزبرة ناشفة
• 2 كوب عصير طماطم
• 2 ملعقة كبيرة صلصة طماطم
• 1 ملعقة كبيرة سمنة
• 1 كوب ماء
• عصير ليمونة
• ملح وفلفل أسود حسب الرغبة
• كزبرة خضراء مفرومة للتزيين

طريقة التحضير:
1. في حلة على نار متوسطة، سخني السمنة وضيفي قطع اللحم وقلّبيها لحد ما تاخد لون ذهبي.
2. ضيفي البصل والفلفل الحار وقلّبيهم مع اللحم لحد ما يذبلوا.
3. ضيفي الثوم المهروس والكزبرة الناشفة، وقلّبي لحد ما تطلع ريحتهم.
4. ضيفي الصلصة وعصير الطماطم وقلّبي كويس، ثم ضيفي البامية، الملح، الفلفل الأسود وكوب الماء.
5. سيبي الخليط على النار لمدة دقيقتين، ثم انقليه في طاجن فرن.
6. ضيفي عصير الليمون، وغطّي الطاجن بورق فويل.
7. دخليه فرن سخن على 200 درجة لمدة 40 دقيقة أو لحد ما اللحمة تستوي تمامًا.
8. قدميه مزينًا بالكزبرة الخضراء.

بالهنا والشفا