كتبت : يارا البسيونى

طرح المطرب “مسلم” عبر قناته الرسمية على موقع “يوتيوب” أغنية النوايا وتعد الأغنية الرسمية لفيلم ” ماكو ” , شارك المطرب “مسلم” في غناء اغنية الاعلان الرئيسي لفيلم “ماكو”وشاركه الغناء مصطفي شكري والتي قام ايضا بكتابة الكلمات وعمل الالحان للاغنية كما شاركتهم “مي مصطفي ” الغناء ايضا.

الأغنية من كلمات والحان مصطفى شكري وتوزيع ومكس وماستر احمد امين

كلمات اغنية النوايا

النوايا قصاد مرايا عاكسة شر مالوش نهاية
والقلوب خفياه
جوه كل حد فينا طاقة كره ولاعبة بينا
وصورة مش صافية
في يوم هتصادف المواقف
كله قدام بعض واقف
واللحظة دي كافية
تكشف اللي ملوش أمان والخسران في الإمتحان
مستواه هيبان
اللي كان عامل مثالي واللي من باب التسالي
عاش دور الإنسان
ربك رايد الشدائد تبقى درس للي حايد
واللي كان ندل وجبان
كله في بحره عاش غريق ماشي بيضل الطريق
مد إيده للحياة والنفس عمال يضيق
يلا نفسي بس نفسي جوه مركب مش بترسي
هي دي اللعبة وقانونها ضاع في اللعبة 100 فريق
جلسة طارئة فيها قاضي جوه عالم افتراضي
ممنوع الحكم البريء
كعب داير على الخسائر هتفيد بأيه البشاير
لما هتقوم الحريق
النهاية مش سعيدة هيا دي اللقطة الوحيدة
على الحدوتة بتليق
كله في بحره عاش غريق ماشي بيضل الطريق
مد ايده للحياة والنفس عمال يضيق
يلا نفسي بس نفسي جوه مركب مش بترسي
هي دي اللعبة وقانونها ضاع في اللعبة 100 فريق
لو ناوي تعيد حسابك انتهى وقت الحساب
وافتح غلطك في بابك من برة قافل عليه
مهما تفتح كتابك ازاي تقرأ الكتاب
لو سوء النية طاغي ومغميلك عنيك
كله في بحره عاش غريق ماشي بيضل الطريق
مد ايده للحياة والنفس عمال يضيق
يلا نفسي بس نفسي جوه مركب مش بترسي
هي دي اللعبة وقانونها ضاع في اللعبة 100 فريق

فيلم “ماكو”من تأليف أحمد حليم، وإخراج محمد هشام الرشيدي.