طاجن ورق عنب بالكوارع “وصفات رمضان “

المقادير
لسلق الكوارع

زبدة – زيت
كوارع
جزر – طماطم – بصلة – فصين ثوم – روز ماري
ملح – فلفل اسود – بهارات سبع – جوزة الطيب – مستكه
حبهان – ورق لورا – رشه سكر
مياه مغلية

لصلصة الكوارع

زيت
فصين ثوم مفروم
٥ معالق خل ابيض
طماطم مكثفة
معلقه صلصة طماطم
ملح – فلفل اسود – بهارات – رشه سكر – كزبرة

ورق عنب
بصل – طماطم حلقات

الطريقة:-

لسلق الكوارع : طاسة غويطة او حله نضع فيها زبدة وزيت وننزل بالكوارع المغسوله ومتنضفه كويس جداً ونشوححها علي النار ثم ننزل بالخضار والروز ماري ثم مضع التوابل ونشوح كل الحاجات الحلوة دي مع الكوارع لحد ما تاخد لون ذهبي خفيف نغطيها بمياه مغليه ونتركها تستوي حتي تدوب لمده ٣ ساعات ونضيف الملح في الاخر وبعد ما تستوي نتركها تبرد ونقطعها قطع صغيرة.

صلصلة الكوارع: في طاسة نضع زيت و نضيف ثوم مفروم او ما ريحته تطلع نطشه بالخل و نضيف الطاطم المكثفة ومعلقة صلصلة والتوابل ونضع الكوارع بعد ما اتقطعت ثم نتركهم يغلوا دقيقتين وبس كدا.

طاجن نرص فيه طماطم وبصل ونرص ورق العنب ونضيف عليه مكعب مرقة ورشه سكر وعصير ليمون ونضيف مرقة الكوارع نغطيه بالمرقة ثم نضع الكوارع بالصلصة ونغطيه بورق فويل وندخله فرن سخن علي درجة حراره ٢٠٠ حتي ينضج تماماً وبس كدا