صوابع زينب “اكلات رمضان”

صوابع زينب
المقادير :
مقادير السيرب او الشربات :
كيلو سكر
3 كوب ماء
عصير ليمونه
نحط السكر و الميه و نقلب من النص لحد لما السكر يدوب شويه قبل ما نحطو على النار و اول لما يبدأ يغلي ننزل عليه بعصير ليمونه و اللي حابب يحط فانليا تمام برضو و نسيبر يغلي ١٠ دقايق على نار اقل من المتوسطه و نسيبو يبرد خاااالص قبل ما نحط فيه صوابع زينب

مقادير صوابع زينب :
2 كوب ونص دقيق
كوب الا ربع دقيق سميد او سيمولينا
نص كوب سمنه مذابه او زيت او سمنه علي زيت
كوب ماء
معلقه كبيره سكر
نص معلقه صغيره خميره
ربع معلقه صغيره ملح

الطريقه :
بنحط كل المقادير الجافه مع بعض الأول و بعدين انزل بالسمنه و ابس المكونات كلها زي ما بنعمل البسبوسه كده بس كويس نغلف الدقيق كل سمنه كويس وبعدين ننزل بالميه شويه شويه لحد لما تلم معانا و منعجنش كتير خالص عشان متبقاش ناشفه و منعرفش نشكلها وتطلع طريه بس مش بتلزق و بعدين نسبها ترتاح ٨ او ٧ دقايق بس و بعدين نقعطها كرات صغيره او وسط حسب الحجم اللي تحبوه عشان بتكبر لما بتتقلي و نبدا نشكل وأهم حاجه في اننا منشكلش كتير عشان متخمرش خالص اهم حاجه عشان بتخمر في الزيت نشكل بقي على مصفه او كرتونه و نفردها ونلفها رول و نسحبها مره واحده و نشكل شويه و نقلي بقي اهم حاجه ان الزيت يكون سخن بس درجه حراره متوسطه و نقلب كويس لحد لما تاخد لون دهبي و نطلعها على مصفى تهدي دقيقتين و ننزل بيها في الشربات من ١٠ ل ١٥ دقيقه وبرضو نطلعها على مصفى عشان تنزل اي شربات زياده وبس كده