رسمياً.. “قندوسى” يفجر نبأ رحيله عن سيراميكا كليوباترا

كتبت/ خلود عادل

فجر اللاعب”أحمد قندوسى” نجم سيراميكا كليوباترا ولاعب الأهلى السابق، مفاجأة بشأن مستقبله رفقة الفريق.

وأعلن نادى سيراميكا كليوباترا رحيل اللاعب بشكل رسمى، وكتب اللاعب عبر صفحته الرسمية بموقع فيسبوك، التالى:

“كانت لحظات فالحياة ما تتنساش… وكانت أماكن ما تخرجش من القلب، حتى كي تغادره”.

“اليوم نودّع سيراميكا كليوباترا… مكان ما كانش غير فريق، كان دار، وناسو كانوا عيلتي.. هاد الناس آمنوا بيا، فتحولي أبواب النادي، وذراعاتهم، وقلوبهم، واحتضنوني كيما واحد من أولادهم”.

“ومن هنا، من سيراميكا، رجعت نوقف على رجليا، رجعت نآمن بنفسي، ومن هاد الأرض، بدات أول خطوة رجعتني للطريق، ومنها للفريق الوطني، ولكل إنجاز فرّحني وفرّح الناس اللي حبّتني… كانوا هما البداية.. ربي شاهد بلي الفراق يوجّع، بصح قلبي عامر بالمحبة والامتنان”.

“شكرًا من قلبي للسيد محمد أبوالعينين، وللأستاذ طارق أبوالعينين، الكابتن معتز البطاوي، الكابتن يوسف الشربيني، الكابتن أيمن الرمادي والكابتن على ماهر على كل لحظة ثقة، وكل نظرة دعم.. شكرًا للطواقم الإدارية، الفنية، والطبية، ولكل عامل في النادي ساندني بكلمة طيبة ولا بنظرة تشجيع ولا دعالي.. وشكر خاص بزاف لزمايلي في الفريق، اللي كانوا إخواتي وعائلتي قبل ما يكونوا لاعبين وأبدا لا أنسى وقوفهم بجانبي وقت الشدة وكانوا السند الأول”.

“وشكر كبير بزاف لكل جماهير مصر، اللي دعمتني، شجعتني، وآمنت بيا… محبتكم ما كانتش مرتبطة بانتماء، حسّيت بيها فكل خطوة… ومحبتكم ما تتقدرش بثمن، ما ننساكمش… وتبقاو دايمًا معايا، وين ما مشيت، وين ما لعبت، ووين ما وقفت.. راني ماشي، بصح سايب قلبي هنا… الذكريات، الضحك، التعب، الأهداف، لمّة الأوضة، لحظات النصر، وحتى الدموع… كامل راهم محفورين في قلبي.. دعواتكم معايا في المشوار الجاي، وتبقى سيراميكا ديما في قلبي”.

والجدير بالذكر أن اللاعب قد انضم إلى فريق لوجانو السويسرى لمدة 3 مواسم حتى يونيو 2028.