مدعوم من 
الممثل الصاعد ” كريم عميره” في حوار خاص مع مصر البلد.
حوار_ سارة عبدالدايم :
“كريم عميره “…أحد الممثلين الشباب الصاعدين في عالم الدراما والمسرح أجتهد في سن صغير لإصال موهبته إلي الجمهور حيث البداية كانت في ” مسرح تياترو النيل ” الخاص بالفنانه بدريه طلبه واول عمل مسرحي شارك به كان مسرحية “مشرحة زينهم” لاسيما أنها كانت البدايه ومن ثم تطورت أعماله وبدأ إسمه يُعرف في الصحافة وبعض المحطات التليفزيونية وشارك أيضاً في أعمال سينمائية .
وفي حوار خاص مع الممثل ” كريم عميره ”
هل مجال دراستك ليه علاقه بالفن ؟
لا ملوش علاقه انا درست ورشه فنيه شامله واتعلمت منها احترافيه التمثيل وكل حاجه عن التمثيل أما عن دراستي ف انا بدرس كليه تمريض
أهم الأشخاص الكان ليهم دور في حياتك ؟
بصراحه هنا اهلي وبس اللي كان ليهم دور أما الناس كانو مفكرين المووضع مجرد هواية فقط لكن الآن أصبحت حلم لناس كتير ونفسهم يعملو زيي والحمدلله ع نعمة ربنا عليا
اكثر الفنانين اللي متأثر بيهم سواء من الجيل الحالي أو الفنانين الراحلين ؟
الفنان الراحل احمد ذكي والزعيم عادل امام أما ف الوقت الحالي بحب محمد رمضان وبحب شغله علي نفسه جدا وبحب جدا الفنان الكبير” احمد العوضي ” تمثيله فوق الروعه وبيركب الشخصيه بطريقه جباره أما بنسبال الفنانات بحب جدا جدا الفنانه ياسمين عبدالعزيز شخصيه جميله جدا وتمثيلها فوق الروعه .
بس لو علي قدوتي مع احترامي لكل الفنانين طبعا بس أنا قدوتي نفسي بعد عشر سنين قدام ودايما نفسي اعمل مدرسه تمثيل بنفسي ويكون ليا اسلوبي الخاص ف التمثيل مكونش زي حد نفسي ابقا قدوه للناس وحلم ليهم ميبقاش قدوتي حد واقلده
اكتر حلم نفسك تحققه ؟
قد يهمك ايضاً:
نفسي اعمل فيلم سينمائي بطولتي ويتعلق بوستر الفلم ف جميع السينمات وفي كل الدول العربيه ونفسي وحلم من احلامي اني ادخل هوليوود وزي مقدرت أحقق اللي حققته هحقق دول كمان بس مع الوقت وربنا يديني علي قد مجهودي وتعبي
الفنان اللي نفسك تشارك معاه عمل فني ؟
مفيش فنان معين بس لو هيبقي في فرصه ونا اللي هختار هختار الفنان محمد رمضان أو الفنان احمد العوضي لاني بحبهم جدا وبحب شهرتهم واجتهادهم علي نفسهم
أي هي أكثر الألوان اللي بتميل ليها في الأعمال الفنية الدراما أو الرومانسي أو غيرها من الألوان ؟
بنسبالي بقدم اي حاجه سواء دراما كوميدي رومانسي صعيدي اي نوع م التمثيل عمتن واي مشهد بشتغل عليه بعمله بكل احتراف لان بختصار مفيش ممثل ناجح بيميل لحاجه معينه اللي بيترشح ليه بيعملو بكل طاقه وإحساس ع المشهد
أكثر الشباب حالياً في عالم التمثيل شايف إن أدوارهم كانت مؤثره وكان نفسك تشارك معاهم في هذا العمل ؟
في ممثلين كتير شباب بيقدمو ادوار كويسه جدا ودايما يكون بتفرج ع اعمال سينمائية وبكون حابب اني اشارك في عمل زي دا واكون وسط طاقم العمل بس اكيد كل حاجه ف وقتها وبالسعي والاجتهاد اكيد هوصل ل اعلي ليڤل
في رسالة حابب توجهها ؟
اكيد طبعاا كل واحد مننا عنده حلم وحاجات كتير عاوزه يحققها بس مش عارف يعمل اي ومستني الفرصه تجيله نصيحتي لكل شاب حابب حاجه قوم وكافح واسعي ودور ع الفرصه فين واستغلها متنمش وتقول بكرا تحلي لا لازم تسعي وتعافر عشان ربنا يكرمك عشان بختصار ربنا مش هيسيب واحد مكافح وبيسعي عشان يوصل ويجي ليك وينولك املك اكيد لا ربنا قال اسعي يعبدي ونا اسعي معاك قوم واسعي وصلي وقول يارب وتأكد مليون ف الميه ان عمر ربنا مهيضيع تعبك وسعيك عشان أنا جربت والحمدلله وصلت ولسه بوصل وهوصل ل اعلي المراتب طول منا بسعي وبقول يارب وبالتوفيق للجميع
وشكرا جدا جريدة مصر البلد
التعليقات مغلقة.