حمام محشي “وصفات رمضان “

هنقسم طريقه التحضير لاربع مراحل وهنقول خطوات نجاح الحمام .
* اول مرحله تحضير الحمام
بنسيب الجلد بتاع الرقبه وبنفرغ بين الجلد واللحم عشان هنحشيه خلطه ، بعد الغسيل بنشف الحمام بفوطه بيضه كويس اوي ،يستحب يكون الحمام عمره صغير . بنجيب بصل مفروم بنحط عليه فلفل اسود ورشه ملح وندهن ليه الحمام لغايه مانعمل خلطه الحشو

* ثاني مرحله وهي تحضير الخلطه
طاسه علي النار نحط فيه معلقتين زبده وشويه زيت ثم نضيف بصل متقطعه ناعم نشوحه ياخد لون ننزل بالكبد والقوانص المتقطعين يتشوحم نضيف الرز نشوحه ونحط التوابل الاتيه ( معلقه سبع بهارات – معلقه فلفل اسود – رشه خفيفه قرفه – رشه جوز الطيب ( سر الخلطه) – ملح )
نجيب الحمام ونحشيه من منطقه الزور لغايه قبل البطن بنسيبه فاضيه ونوزع الرز كويس ومانكترش الحشو ، ثم نضيف معلقه حشو في قلب الحمام .

ثالث مرحله ( سلق الحمام)
حله فيه مايه نضيق فيه الاتي ( جزر وبصل وكرفس- فلفل اسود صحيح ( مش مطحون) -ورق لوري – حبهان مطحون – ملح -مستكه ) بعد كده بننزل بالحمام اول نعلي النار لغايه ماتغلي بعد كده بنخلي النار وسط ومش بنغطي الحله كامل بنسيب مكان نطلع من الحمام عشان مايفتحش نص ساعه الي ساعه الاربع بيكون مستوي ( حسب سن الحمام)

رابع مرحله تحمير الحمام
بنجيب نص ليمونه ونص طماطم بندهن بيه الحمام قبل ماننزل في الزيت والزبدة بيخلي الطعم رهيب

طاسه فيه زيت وزبده يسخن ونقلي الحمام فيه .
ممكن نجيب صلصه ونفكه بشويه شوربه ساخنه وندهن بيه الحمام ويخش ياخد لون في الفرن .
وممكن ندهنه زبده وندخله ياخد لون ذهبي في الفرن