بقلم الكاتبه والشاعرة : امال محمود “ناس مكارة

عارفين ان الغلط وارد ،،،،، والصح قانونه مهوش ثابت
ده سر الكون شر وخير ،، محناش ملاك محرابه خالد

جينا فيها في غمضة عين ،،،، صاحبنا شيطان في ثوب مسكين
كان كلامهم قال الله ،،،، وقلوبهم سوده يا حولا الله

وناس تشوفها تقول يالطيف ،،
تتفاجيء بيهم ندي ف الصيف

مشينا فيها ولا عارفين ،،،، شمال طريقنا ولا يمين
زيف الدنيا خدنا معاها ،،،، ومن ظلمها مش قادرين
ناستنا كنا هنروح فين ،،،، وتاه طريقنا في غمضة عين

أصل الحكايه ف ناس مكارة ،،، قمتنا ليهم عقب سجارة
فسقونا السم بقطارة ،،،، يبقي نكمل دي تبقي شطارة ؟؟
اوعوا تكونوا شيفنا رخاص ،،، ده الحبر خلص وبارينا رصاص

يبقي نفوتها بكل سهولة ،،، دي دنيا نيابها نياب الغولة
لو كنت لسه رضيع بلفه ،،، او كنت قاضي وتملك كفه
هتخرج منها بحتة لفة