اول تعليق لعلى لطفي على احداث الجوهرة الزرقاء

كتب – عبد الحميد مصطفى بدر :

بعث علي لطفي ، حارس النادي الأهلي، 8 رسائل جماهيرية، اليوم الثلاثاء، تعليقًا على الأحداث التي تلت مباراة الهلال السوداني في دوري أبطال أفريقيا.

الأهلي تعرض إلى الهزيمة (1-0) على يد الهلال السوداني، في إطار الجولة الثانية من دور المجموعات في مسابقة دوري أبطال أفريقيا، لكن ما أثار الجدل الواسع جماهيريًا، وقع بعد نهاية الـ90 دقيقة. 

وتداول قطاع واسع من رواد مواقع التواصل الاجتماعي، مقطع فيديو قصير، يظهر خلاله اعتداء أحد أفراد الجهاز الفني في الهلال، على علي لطفي، حارس الأهلي.

ونشر الحارس علي لطفي، عبر حسابه الرسمي على موقع التواصل الاجتماعي، إنستجرام، 8 رسائل إلى جماهير الأهلي بعد واقعة الهلال، نستعرضها في السطور التالية..

– “السلام عليكم أنا مكنتش حابب أتكلم عن الموضوع ده خالص بس حالة الحب اللي شوفتها من جمهور مصر المحترم كله وجمهورالنادي الأهلي بالذات اللي هيفضل فوق رأسي وصاحب الفضل عليا وعلى كل واحد بيتشرف بانتمائه إلى النادي الأهلي”

– “بخصوص اللقطة اللي انتشرت على مواقع التواصل الاجتماعي.. حابب أقول بس إني مش ضعيف، وأقدر أخد حقي من أي حد وأنا طول عمري متربي على أني أحترم المحترم وأشيله فوق دماغي.. أما غير المحترم أعرف أتعامل معه كويس أوي وأخد حقي بالذوق أو بالعافية”

– “في اللقطة دي مكنتش بمثل نفسي بس.. أنا بمثل مصر وكبير أفريقيا وحديث العالم الكروي كله بعد الأداء المشرف بشهادة جميع كل نقاد الكرة في العالم أمام أحسن نادي في العالم ريال مدريد”

– “كنت عارف إن العيون كلها هتبقى علينا.. لا سيما إن دي أول مباراة بعد كأس العالم للأندية وكمان هي أول مباراة في مستهل مشوارنا الأفريقي”

– “أنا زي ما قولت.. الأجواء كانت مشحونة، وعارف إن أي رد فعل مني ممكن يتاخد بشكل تاني، خاصة أننا طول عمرنا متربيين إن مصر والسودان شعب واحد وواطن واحد”

– “لكن حالة الشحن اللي قابلناها هناك من قلة موتورة كانت غير طبيعية من لحظة وصولنا وهتافات الجماهير المعادية لينا طوال اللقاء بالرغم من إن كاف أعلن إنها مباراة دون جماهير.. لكن دي مش منطقتي”

– “في مجلس إدارة قوي عارف يحافظ على حقوق النادي الأهلي وقادر على حماية كل حقوق النادي.. لكن أي رد فعل مني كان هيتاخد بموقف مش سليم وأنا عارف إن مجلس الإدارة بقيادة الخلوق الأسطوة كابتن محمود الخطيب هيجيب حق كل لاعب وفرد في منظومة الكورة”

– “حابب أكرر شكري وامتناني بتقدير جمهور النادي الأهلي العظيم على رسائل الدعم اللي قابلتها وحابب برضه أكرر إني أعرف أجيب حقي كويس بس مقدرش أعمل حاجة تضر سمعة النادي الكبير اللي بلعب له وبلدي صاحبة الريادة الأفريقية دائمًا شاء من شاء وأبى من أبى”