امتي ابقي سعيد؟!

بقلم -مني خليفة:

ساعات كتير بنأجل احساسنا بالسعادة،أو نربطه بتحقيق هدف معين ،وسعادتنا تتوقف ع انجاز الهدف ده( شغل ،جواز،صفقة،رحلة) اي كان الهدف ،وندخل الدوامة من القلق والتوتر انتظارا .

العبقري أحمد خالد توفيق قال: يجب أن تستمتع بكل فترة كأنها الصورة النهائية لحياتك ،بمعني ما تعش الحياة وانت متخيل اللي جاي بس هيكون ازاي ؟!،وتنسي الحاضر اللي ايدك وتتجاهله ، وعليه احساس انك مش جاهز 100% والبحث عن المثالية والكمال هيختفوا  ،هتعرف تفرح ف حدود المتاح ،هيبقي عندك استعداد تغلط أو تفشل،ما دمت مستمع برحلتك بكل ما فيها ،وانت بتعمل اللي عليك في تطوير نفسك، جميل أن يبقي عندك احساس انك عايز تحقق احلامك واهدافك،لكن متنساش تفرح وتسعد بالرحلة ،لو سعادتك مش أولوليه  عندك،صعب تلاقيها عند حد تاني.