مدعوم من 
القدس الأسير
بقلم – صابر الجنزورى:
كل يوم نودع الشهدا
و تصرخ ارامل
وتنوح أم الشهيد
خلصت أعياد الفرح
وكل عيد بقي يجي
علينا حزين
زمان..فى الزمن العجيب
كنا كل يوم بنشوف مظاهرة
وهتيفة شبيحة
تحس انهم على
القدس خلاص
رايحين
واحزمة ناسفة يلبسوها
اتاريهم فينا بيفجروها
وكله باسم
الدين
فين الوعود
وفين راحت الملايين
اصلهم كانوا بيخوفونا
وعايزين يعرفونا
انهم قادرين
قد يهمك ايضاً:
لاعمرنا هاننسى
الكذب ولا التلفيق
ولا هاننسي يوم
انهم خانوننا
وحاربوا يوم
جيوشنا
وقتلوا
جنودنا
علشان خاطر
عيون أورشليم
قالوا
حطين
وقالوا
صلاح الدين
دا لو الناصر
بينا النهارده
كان بقي
منهم بريء
اصله ماكنش
خليفةعثمانلي
ولا حتى أمير
دا كان ايوبي
وبطل حطين
ماعملش كل يوم مظاهرة
ولا كان للكرسي والسلطة
من الطامعين
ياقدس يا أسير
من غير حماس
ولا كتايب بتطلع
فى شوارع غزة
بس للإستعراض
مش هايحررك
غير ال زى قطز
و صلاح الدين