الفنانة “زيزي عادل ” تعتزل الفن …” عاوزه أموت وربنا راضي عني ” 

سارة عبدالدايم : 

قامت الفنانة ” زيزي عادل ” بنشر صورتها بالحجاب منذ ثلاثة ايام ضمن حملتها للترويج لألبومها الديني سيبها على الله، ولكنها باغتت الجميع فجر اليوم الثلاثاء بإعلان اعتزال الغناء، وظهرت عبر مقطع فيديو “بدون حجاب” عبر حسابها بموقع انستغرام، وبدات كلامها قائلة: أنا النهاردة طالعة أقول خبر مهم أخدته في حياتى وهو قرار اعتزالى.

وتابعت أيضاً قائلة: قررت أسيب مهنة “المطربة “والقرار أنا مخدتهوش امبارح أنا وخداه من فترة كبيرة جدا، بس يمكن مطلعتش قلت وقتها لأنى كنت حابة أتكلم مع نفسى ومع الناس القريبة أوى.. الناس القريبة منى عارفين نفسهم ولما قلتلهم على القرار شجعونى ودعمونى كمان، ويمكن قرار الاعتزال ده بيبعدنى عن أكتر مغريات الحياة وهى الشهرة والأضواء.

وواصلت زيزي عادل حديثها قائلة: أنا ببعد عن الفن عشان بقرب من ربنا، والفترة اللى فاتت قربت من ربنا جدا، ولقيت ان القرآن بيقولى إنى لازم أكون ست ملتزمة، وبحاول على قد ما بقدر أكون ملتزمة وهتستغربوا شوية انى طالعة بشعرى ومش محجبة، ويمكن ده لأنى لسه ربنا لم ينعم عليا بالحجاب، وبدعى ربنا يتممها عليا، وكل حاجة بتيجى خطوة خطوة ومفيش حاجة بتيجى مرة واحدة.

لاسيما أنها أكدت وقالت” أن الهدف الأول من قرارها هو الابتعاد عن أكثر مغريات الحياة وهى الشهرة والأضواء، وقالت: أنا حابة أموت وربنا راضى عنى.”

https://www.instagram.com/p/CcgUYz5FbUO/?igshid=YmMyMTA2M2Y=