الأَيّامُ حُبْلَيَ بقلم حازم مهني

بقلم – حازم مهنى :

خربوها و على تلّها قعدوا يندبوا حظهم ،من ٣ سنين ، و ٧ سنين ،و لحد الله أعلم ،الكلام ده أنا قلته ،
خربوها وعلى بعضهم بيغنّوا ،و بعد عشر سنين ،يوم خمسة وعشرين واحد ، جاى

يقول : الأيام حبلى ؟حبلى بإيه يا شاطر ؟قل لي :لو راجل ؟قل لي :مين حبّلها ؟ و إزاى هتولد ؟بعد ما سقطها ؟و لا هتفضل حامل ؟و لو ولدت ؟

هتولد طبيعى ؟و لا قيصرى ؟و الجنين ؟ مصيره إيه ؟ هيعيش ؟و لا ؟ما فيش أمل ؟و لو عاش أبوه هيحبه ،و لا ينكره؟
و لا بيه هيعترف ؟ و لو إعترف هيلاقى عليه يصرف ؟و لا هيطفش ؟ و مازالت ،بتسأل الداية ؟ يا أولاد إيه الحكاية ؟ هي حامل ؟و لا ساقط ؟و لا تعبانة ؟

حتي لما زنقت دماغها بالطرحة ،و عنيها بالدموع غرقانة ،هما بيرقصوا ،و فاكرينها دموع الفرحة ؟

أرقصوا كمان ؟بالقوى ؟ برراحة ؟الأيام فضّاحة؟ ما تشمتوش فيها قوى؟ بكرة يجيها ولد ؟بقلبه العزم إتولد ؟ أتولد راجل ،راضع حب البلد ؟ أما انتوا خلاص؟ فرطتوا فى الإخلاص؟ عليه العوض؟

إرحموها بقى ،لا هى قادرة تولد ،و لا تطلق ،و لا حتى تتوحم ،جرحوها ولاد بطنها ؟مع إنهم توأم ؟ إيش حالكم الوقت ؟

عدوكم لعب بيكم ؟لعب عليكم ؟لعب ويّاكم ،و لِسّه في الوهم عايشين ،تايهين ،لبعضهم كارهين ،
خللاهم حتى كرهوا بعضهم ؟

و فيهم غلابة ،و فيهم ديابة على بعضهم ؟و هى المصابة ؟و سابوها تتألم ؟بتعيَّطوا ؟
ما انتو السبب ،تعبتوها ،حصرتوها ،بكُرهُكُم لبعض ،
إيش حالكم الوقت ؟هتولد ؟ ولا ؟
هنقوول من تانى إيش حالها ؟

يعنى كنتم حَبِّتوها ؟ جايز ؟ يمكن حبيتوها ؟ بحالكم الله أعلم ؟ صلّحوا بقي ،و مع نفسكم إتصالحوا ،و لا عاجبكم حالكم ؟ أنتوا بتحبوها ،صونوها ،

حافظوا عليها ، إكرموها ،تكرمكم ،يا ما قلت لكم ،و لا نسيتم كلامي (الربيع العربي والعار العربي بقلم حازم مهني ) ،

يااااه مين يقول ، و مين يسمع ، سلام ،أنا تعبت منكم ،فايتها لكم ،يمكن تفوقوا لحالكم ،قبل ما تدور الرحاية ،و محدش يقول : يا ريت اللي جري ما كان ؟

كنتي فين يا لأ لمّأ قلت أنا آه ؟ آه و ألف آه جوّايا ،و جوّاها ،و أنتو و لا حاسيين ،يمكن في يوم يزوركم الإحساس ،و تفوقوا لحالكم ،أما أنا في حالي سيبوني ،و لمّا تصدّقوا كلامي ؟ إفتكروني.