ابنة السيناريست الكبير « بشير الديك » تكشف آخر تطورات حالته الصحية

كتب – أحمد قرمد :

كشفت دينا بشير ابنة السيناريست الكبير بشير الديك آخر تطورات صحة والدها وكتبت دينا عبر صفحتها الرسمية على فيسبوك :
صباح الخير جميعاً
للأسف بابا دخل تاني الرعاية في مستشفى ——— والمرة دي الموضوع بقى مختلف خالص.. للأسف حالته بعد ما كانت بتتحسن شوية بقت ترجع تسوء تاني… المشكلة في الإهمال وعدم الاهتمام بالمرضي… رحنا امبارح وقت الزيارة لاقينا بابا زاد عدم وعيه وذراعه وارم جداً وبيؤلمه وماحدش كان واخد باله والمفروض انه في الرعاية… المشكلة التانية انه بقى لا قادر يمضغ الأكل ولا يبلعه… دا غير انه كان جعان على غير العادة لانه بالرغم من عدم قدرته على المضغ ولا البلع لكنه اول ما بدأ يأكل بدأ وعيه يزيد… ازاي دي رعاية… ومن كتر قلق ماما وعدم ثقتها في الخدمة المقدمة (اللي هي مش رخيصة بالمناسبة) بقت بتشوف الأدوية اللي بياخدها وبتعرف تأثيرها والآثار الجانبية بتاعتها و بدأت تناقش الدكاترة في الأدوية دي راح دكتور الرعاية المحترم المتواجد ساعتها قال لها “لو مش قادرين على مصاريف المستشفى روحوا مستشفى تانية…” هل دا رد محترم لدكتور رعاية في مستشفى معروفة بتميزها في الرعاية؟؟؟؟ الصراحة مش دا اول دكتور رعاية هناك يكون بالجليطة دي… وللأمانة الوحيدين المهذبين هناك دكتور صافي مديرة الرعاية ودكتور احمد سامي دكتور الرعاية… وللأسف مش موجودين طول الوقت… ان شاء الله نخرج منها على خير ونروح مستشفى تانية في اسرع وقت…
برجاء الدعاء لبابا انه يقوم بالسلامة ويخرج من النفق المظلم اللي هو فيه دا… امين .
_السيناريست بشير الديك واحد من أبرز وأهم كتاب السيناريو فى الوطن العربي وعمل مع كبار المخرجين المصريين عاطف الطيب ومحمد خان وله العديد من الأعمال السينمائية والتلفزيونية
منها:

1- سواق الأتوبيس قصة وسيناريو وحوار إخراج: عاطف الطيب

2- ضربة معلم قصة وسيناريو وحوار إخراج: عاطف الطيب

3- ضد الحكومة سيناريو وحوار إخراج: عاطف الطيب

4- ناجي العلى قصة وسيناريو وحوار إخراج: عاطف الطيب

5- ليلة ساخنة سيناريو وحوار إخراج: عاطف الطيب

6- موعد على العشاء سيناريو وحوار إخراج: محمد خان

7- الحريف سيناريو وحوار إخراج: محمد خان

8- أيام الغضب قصة وسيناريو وحوار إخراج: منير راضي

9- زيارة السيد الرئيس سيناريو وحوار إخراج: منير راضي

10- النمر الأسود سيناريو وحوار إخراج: عاطف سالم

11- الضائعة سيناريو وحوار إخراج: عاطف سالم

12- نزوة سيناريو وحوار إخراج: على بدرخان

13- الكبار سيناريو وحوار إخراج: محمد جمال العدل

وقد قام بتأليف وإخراج فيلمين روائيين هما..

1- الطوفان بطولة : محمود عبد العزيز- فاروق الفيشاوي- محمود الجندي وأمينة رزق.

2- سكة سفر بطولة : نور الشريف- نورا- حسن مصطفى-عبد السلام محمد- أحمد بدير وآخرين..

– كما قام بكتابة العديد من المسلسلات التليفزيونية بداية من عام 1984 وحتى الآن وأهم هذه المسلسلات:

1- الأرض الطيبة 1984 إخراج: فايز حجاب

2- بنات زينب إخراج: سامي محمد علي

3- الناس في كفر عسكر 2003 إخراج: نادر جلال

4- أماكن في القلب 2005 إخراج: نادر جلال

5- درب الطيب 2006 إخراج: نادر جلال

6- ظل المحارب 2008 إخراج: نادر جلال

7- حرب الجواسيس 2009 إخراج: نادر جلال

8- عابد كرمان 2010 إخراج: نادر جلال.

يذكر أن الديك  هو رئيس جمعية مؤلفي الدراما وعرض له فيلم سواق الاتوبيس بمهرجان القاهرة السينمائي بدورته الـ45
دورة فلسطين .