أنا بنت مصرية

بقلم – نوف محمد:

أنا بنت مصرية

على اسم بلدى الغالية سمونى مصرية .
بنت بلد جدعة وعندى شخصية
شديدة وقت الجد بس كلى حنية .
من الصعب عمرى ما اهرب ما انا اصلى عندية .
اطير لسابع سما بكل حرية
بس عارفة حدودى صح اصلى بنت متربية .
ربى ودينى ورسولى دايما فى الاولوية .
ولما احب بجد ولا اجدع رومانسية
واكتب فى العشق قصة وفى الحب حقيقية
وفى شغلى دايما جد ولا احب المحسوبية
قولولى مين زيى فى الكرة الارضية .
اخدت فى الاخلاق الجائزة العالمية
اصلى مش اى حد انا بنت مصرية
جواها بحار من حنان واحلام وردية
وفى الحب ضعيفة ورقيقة ورومانسية
وفى وجه الغدر جبل من صبر وقلاع فولازية
تحب الخير للناس ودايما فى كلامها حنية
مش قولتلك يا جدع هم دول البنات المصرية