” أمهات مصر” يرصد شكاوي أولياء الأمور من امتحان البرمجة للأول الثانوي

احمد مصطفى:

تابعت عبير أحمد، مؤسس اتحاد أمهات مصر للنهوض بالتعليم وائتلاف أولياء الأمور، انطلاق امتحان مادة البرمجة والذكاء الاصطناعي لطلاب الصف الأول الثانوي للفصل الدراسي الأول، والذي يُعقد عبر أجهزة التابلت وأجهزة الحاسب داخل المدارس من خلال منصة «كيرو».

 

 

ووجّهت عبير أحمد سؤالًا لمتابعة آراء أولياء الأمور والطلاب عبر الصفحة الرسمية للاتحاد على موقع التواصل الاجتماعي «فيسبوك»، جاء نصه:

«طلاب الصف الأول الثانوي، طمّنونا.. عملتوا إيه في امتحان مادة البرمجة والذكاء الاصطناعي اليوم؟».

 

وقالت عبير أحمد، في تصريحات صحفية، إن أولياء أمور طلاب الصف الأول الثانوي اشتكوا من عدم تمكن أبنائهم من الدخول على المنصة، إلى جانب وجود مشكلات في شبكة الإنترنت داخل بعض المدارس، أو سقوط السيستم أثناء أداء الامتحان.

 

 وأضافت عبير، أن هناك شكاوى من تواجد الطلاب داخل المدارس لساعات طويلة، حيث بدأ حضور بعضهم من الساعة الثامنة صباحًا، وتم إبلاغهم في بعض المدارس بضرورة الانتظار حتى الساعة السابعة مساءً لحل المشكلات التقنية.

 

وتفاعل العشرات من أولياء الأمور على صفحة اتحاد أمهات مصر للنهوض بالتعليم وائتلاف أولياء الأمور، حيث قالت ولي أمر:

«أنا بنتي لسه في المدرسة، وبيقولوا محدش هيخرج من المدرسة لغاية الساعة 5، ومش عارفة ليه، العيال من الساعة 7 في المدرسة».

 

وأضافت ولي أمر أخرى:

«ابني راجع مكتئب، التابلت ما فتحش معاه خالص، والمراقِبة اللي عليه قالت لهم ادخلوا من الموبايل، دخل وحل شوية أسئلة، وبعدين السيستم هِنج ومبقاش راضي يتحرك، وبعدها خرج من السيستم إجباري».

 

واستكملت ولي أمر:

«ياريت تتكلموا في الموضوع ده، أولًا مفيش تابلت في المدارس الخاصة، وأجهزة المدرسة طبعًا ما تكفيش الأعداد، والأهم بقى ـ والكارثة الأكبر ـ إن العيال من الصبح في المدرسة والمنصة مش بتفتح».

 

وأوضحت ولي أمر أخرى:

«عندنا في إسكندرية ما دخلوش الامتحان علشان السيستم واقع، واللي بيدخل الامتحان بيبقى باللغة الياباني، أو يدخل ثواني ويقفل، وفي الآخر روّحوا البنات وقالوا لهم حاولوا في البيت لحد الساعة 7».