أحمد صابر يفسخ تعاقده مع غزل المحلة بسبب الأمور المادية

متابعة –  هشام ابراهيم و عمرو العتراوي:

أعلن اللاعب أحمد صابر المنضم حديثا لنادي غزل المحلة عبر صفحته الشخصيه عن فسخ تعاقده مع النادي بسبب الأمور المادية وليست الفنية كما أشاع البعض وفيما يلي النص الكامل لتصريحات اللاعب .. عبر صفحته الشخصيه ..

منعا للقيل والقال ف البداية اتفاقى مع نادى غزل المحله ع رقم معين ف العقد وانى اخد الشيك بتاعى روحت عملت الكشف الطبى واجتازته واعلنوا ع الصفحه الرسميه التعاقد مع انى قايل لمدير الكوره ميعلنش قالى علشان جايبين لاعيب كبير بالرغم انى اخر لاعيب ماضى واول لاعيب يعلنوا عنه قبل ما انزل التمرين مدير الكورة بلغنى ان الشيك طلع واتحطلى شرط ف العقد مبيتحطش للاعيب كوره ف مصر انى اخد فلوس عن كل ماتش العبه سواء مكسب او خساره وده طبعا مبيحصلش بس ده علشان اوافق امضى تمام واتوعدت الشيك اول يوم اللى هو التلات وبالفعل بقرار من مدير الكورة متنزلش انت والاعيبه غير لما الفلوس تطلع بعدها بيوم الفلوس طلعت انزل التمرين والتمرين عباره عن جرى تلت ساعه حوالين الملعب واطالات واطلع علشان فيه واحد صحفى هراى بيقول قناعه فنيه يعنى مكنش فيه خلال اليوم غير بدنى بس ومفيش اصلا كوره تمام ولما الشيك مطلعش انا استاذنت وطلعت من التمرين فوجئت بمدير الكوره بيقولى ابدا فترة الاعداد اللى هى بدايتها النهارده وهنطلع الشيك خلال اسبوع واللى اتفقت عليه ٤٠ ٪؜من العقد قالى مش هنقدر نطلع الرقم ده رغم الاتفاق برضه ف الاول فبكل احترام اعتذرت للناس ربنا يكرمهم ف اللى جاى ويوفقنى ف الخطوه اللى جايه بس فيه واحد ف المحله هيخلص ع الفرقه صحفى نازل يكتب اخبار من ايام الممتاز كلها فبركه وهو مفيش اتنين بيشوفوه علشان يلم رتش.