مدعوم من 
أثناء تقديمه لاعبا للوكرة القطري…حمدي فتحي يوجه رسالة لجماهير الأهلي
كتب:عبدالرحمن خالد
وجه اللاعب حمدي فتحي لاعب النادي الأهلي السابق ولاعب الوكرة القطري الحالي رسالة لجماهير الأهلي أثناء تقديمه في المؤتمر الصحفي.
وتعاقد الوكرة القطري مع اللاعب حمدي فتحي لأربعة مواسم من النادي الأهلي.
وصرح حمدي فتحي في مؤتمر تقديمه لاعبا لنادي الوكرة:
قد يهمك ايضاً:
” مبسوط ان انا موجود في دولة قطر بلدي التانية وان انا موجود معاكم دلوقت في نادي الوكرة وبشكر نادي الوكرة والشيخ خليفة ان هو صمم ان انا اكون موجود وان شاء الله اكون اضافة للنادي”.
“نادي الوكرة نادي كبير طبعا وحققوا مركز كويس السنادي هنلعب ان شاء الله في دوري أبطال أسيا والنادي كله مركز اننا نحق حاجه كبيرة في البطولة وان شاء الله ننافس علي الدوري ويكون من نصيب نادي الوكرة”.
“المفاوضات كانت من فترة وناس كتير كلمتني وهم كانوا مصممين ان اكون موجود وانا وقفت وصممت ان انا ابقي موجود في النادي القطري”.
“بشكر جمهور وادارة الأهلي والجهاز الفني انهم تقبلوا ان انا حابب اكون موجود هنا في نادي الوكرة وان شاء الله اكون اضافة ليهم وتحت حسن ظنهم والسنة الجاية تكون سنة خير علينا كلنا”.
“شكرا ليكم وانا مبسوط انكم موجودين (رابطة مشجعي الاهلي في قطر المتواجده في المؤتمر) شكرا لجمهور الأهلي اللي واقف في ضهري دايما مش الفترة اللي فاتت بس من اول ما دخلت النادي مشوفتش منهم غير احترام وحب وتقدير وانا مبسوط اني في يوم كنت جزء من الجمهور دا “.
“شكرا لنادي الوكرة اللي صمم انكم تكونوا موجودين، في جمهور بيبعتلي انهم هيكونوا داعمين لنادي الوكرة دي حاجه كبيرة بالنسبالي”.
التعليقات مغلقة.