مصر البلد الاخبارية
جريدة - راديو - تليفزيون

كنتاكي البيتي المقرمش “اكلات رمضان “

16

 

قد يهمك ايضاً:

خبيرة الأبراج عبير فؤاد تحذر 5 أبراج خلال الـ 10 أيام…

اتيكيت تقديم العيدية

كنتاكي البيتي المقرمش
الطريقة
اي وزن فراخ متقطعة قطع صغيرة يعني لو فرخة ٢ كيلو الورك يتقطع علي ٣ والصدر زية علي ٣ قطع
نغسل الفراخ كويس ونقطعها ونخرمها بالخله بتاعت الشيش طاووك ونحطها في محلول
مياة وملح وسكر وخل مش اقل من ساعتين ومعاكي لحد ١٠ ساعات عادي دا بينزل الدم كلة اللي فالفراخ وبيخليها تستوي بسرعة
نشيلها من المحلول دا ونغسلها بمياة نضيفة ونحطها فالتتبيلة عبارة عن
نص كباية مياة
معلقة فلفل اسمر
معلقة توم بودر
معلقة بصل بودر
معلقة بابريكا
ملح براحتك
نص معلقة جنزبيل
تبليها بقا المدة اللي تحبيها
بعد التتبيلة
نجيب طبق كبير نحط كبايتين دقيق
علية نفس التوابل اللي فوق دي وعليهم معلقتين نشا وكيس بيكنج بودر
هنطلع قطعة الفراخ من التتبيلة نحطها فالخلطة اللي عملناها ونضغط جامد باديها عليها وننفضها ونرجع نحطها في ميه ساقعه ونرجعها الدقيق وننفضها كويس عشان تعمل شكل القرمشة اللي فالصورة
ونحطها في شوية زيت حلوين كتير كدا عشان يبقي مغطي الفراخ وانا بعمل ف اصغر حلة عندي عشان مستهلكش زيت كتير
نسخن الزيت اووي ونحط الفراخ نستني دقيقتين ونوطي ١٠ دقايق كدا تكون الفراخ استوت ونعلي النار تاني تاخد اللون اللي تحبوة ونطلعها وبس كدا

التعليقات مغلقة.